A bis é bôt bevoo

É dzam Yésu a nga bo

ÉNGENGENG : Yésu ya é minenga a lap mendzim étam

1. Daghe ÉNGENGENG, nge ki a lang Jean 4:6-9. Éyong té wa fas minsili mi :

1. Za dzam Yésu a nga yen ébe minenga té kaa naa a sum nlang ya ñe ?

2. Yésu a nga dzô naa : « Vaa ma mendzim. » Amu dzé mboan té ô nga lere naa a nga yem sum nlang ?

Za dzam bia yeghe ébe Yésu ?

2. Bi ne sum mbemba nlang éyong bia top nlô-adzô wa name é môt mboo.

Vughe Yésu

3. Ô taa bembe fave é dzam ô va kôman. Ô taa yemlé naa wa sum nlang ya nlô-adzô ô va kômane a nda. Sumeghe ya é dzam wa yem naa bôt ba kobe éndagha. Silighe wamièn naa :

1. ‘Za mefuèñ ma lôt éndagha ?’

2. ‘Za mam é bôt be too ma minfeng, éba ba sèñ ya ma nge ki éba ba bo sikôlô ya ma ba kobe ?’

4. Yemghe daghe. Silighe wamièn naa :

1. ‘Za dzam môt té a bo éndagha ? Za dzam a ne simane ?’

2. ‘Za dzam bitôp bièñ, aval a yen ô mis nge ki é nda môt tè da yeghle ma nfa n’yebe wèñ nge ki ayong dèñ ?’

3. ‘Ye a ne mbemba éyong me ne kobe ya môt té ?’

5. Tugha bèè.

1. Ô taa kobe abuiñ.

2. Voleghe môt té naa a kobe. Nge é ne boban, silighe minsili.