Mbemba n’nem

É dzam Yésu a nga bo

ÉNGENGENG : Yésu a nga let ndzidzim

1. Daghe ÉNGENGENG, nge ki a lang Jean 9:1-7. Éyong té wa fas minsili mi :

1. Za dzam Yésu a nga tare bo : ya let ndzidzim nge ki a kat ñe mbemba fuèñ ?—A daghe fe Jean 9:35-38.

2. Amu dzé wa tem naa môt té a mbe nkoghane naa a bèè Yésu ?

Za dzam bia yeghe ébe Yésu ?

2. É ne bo ébubu naa môt a bèè é fuèñ dèè nge a yen naa bia bis ñe.

Vughe Yésu

3. Lereghe môt té naa wa wôran é dzam a wôran. Tame siman é dzam a wôran.

1. Silighe wamièn naa : ‘Za dzam da kele ñe n’nem ôyô ? Za dzam é ne ñe vole ye name ñe ?’ Dzam té da ye wô vole naa ô lere môt té mbemba n’nem aval da yiène.

2. Nge môt ézing a dzô wa é dzam é tsii ñe a n’nem, nge ki a dzô wa ntiè a tubane wô, ô taa tsen nlô-adzô. Lereghe ñe naa wa bis é dzam da ndaghle ñe, wéé tugha ñe bèè.

4. Kobeghe ye mbemba n’nem ya ngang. Éyong wa yen é môt mboo éngôngoo ye kômô ñe vole, dzam té da ye lereban ya aval wa ye kobe. Topghe ya nkee bifiè buè ya yem belan é king nkobe duè. Ya naa ô taa ñe dzô é mam me ne ñe ve n’nem abé.

5. Tobeghe nkôghan naa wa vole. Dzenghe abuiñ meval ô ne vole môt té. Éyong bia lere môt té mbemba n’nem, dzam té é ne ñe ve naa a kobe ya bia.