Ayokh

É dzam Yésu a nga bo

ÉNGENGENG : Yésu a ve étong nkukuma melepgha

1. Daghe ÉNGENGENG, nge ki a lang Marc 10:17-22. Éyong té wa fas minsili mi :

1. Za mbemba mefulu Yésu a nga yen ébe étong nkukuma té ?

2. Amu dzé Yésu a nga yiène lere édzing ya ayokh naa a ve étong té melepgha ?

Za dzam bia yeghe ébe Yésu ?

2. Bia yiène lere édzing, ve, bia yiène fe tugha dzô n’yeghe Bible wèè é dzam a ne bo naa a tsini naa a yir Nzame bébéñ.

Vughe Yésu

3. Voleghe n’yeghe Bible wiè naa a bele minsonghan mi ya nsisim ya dzale mio.

1. Ô ne belane éfaale « É dzam wa ye bo » é ne kada ayeghle ya abakh Beleghane éning é ne mbèmbèè !

2. Voleghe n’yeghe Bible wiè naa a yen é dzam a yiène bo nfa ye naa a dzale minsonghan mi ya nsisim mièñ.

3. Saghe n’yeghe Bible wiè éyong ésese wa yen naa a dzale nsonghan ézing.

4. Wa yiène yem é dzam da ve n’yeghe Bible wiè naa a taa vem a nsisim, ye vole ñe nfa té.

1. Silighe wamièn naa :

   • ‘Dzé da ve naa n’yeghe Bible wôm a bo kaa vem a nsisim nfa ye naa a duban ?’

   • ‘Aval avé me ne ñe vole nfa té ?’

2. Yaghlane naa ô bele ayokh nfa ye naa ô kobe n’yeghe Bible wiè ya édzing, naa a yem é dzam a yiène bo.

5. Simeghe ayeghle nge aa vem ki a nsisim.

1. Fasghe nge n’yeghe Bible wiè a vem a nsisim wéé sili wamièn minsili mi :

   • ‘Ye n’yeghe Bible wôm a dzale é mam a yeghe ?’

   • ‘Ye a zu bisulane biè nge ki a kobe é bôt bevoo é mam a yeghe ?’

   • ‘Nge a yeghe-yang abuiñ tam, ya kômô tobe moan Bengaa Jehôva ?’

2. Éyong n’yeghe Bible aa kômô ki vem a nsisim :

   • Silighe ñe é dzam da ve naa a taa vem a nsisim.

   • Dzôghe ñe amu dzé wa tele ayeghle, ve, kaa belane bifiè bi ne ñe dzughu.

   • Dzôghe ñe é dzam a yiène bo nge a kômô bera bo ayeghle.