Bia lere édzing éyong bia sukh asi akira Jehôva a ve

A tele môr afeng da kame ékôan ya ve akira é môr a va bo nsem kaa kômô tsen. (1 Becor. 5:6, 11) Éyong bia sukh asi akira Jehôva a ve, bia lere édzing. Aval avé dzam té é ne bo bebela éyong da soo mintèñ a n’nem asu é bôr besese dzam té da name ane, bôr be y’é nda bôr dzèñ ya fe bemvene ?

Bia lere édzing amu éyôla Jehôva ya metsîn metsing mèñ me ne nfuban. (1 Pierre 1:14-16) Bia lere fe édzing akal é môr be va tele afeng ékôan été. Môra akira é fang soo mintèñ, da so bo « ébuma ya nsisim é ne sôsôe. » (Behéb. 12:5, 6, 11) Bia wiñ ntukh akira Jehôva a va ve, nge bi tsine naa bia bo élat ya é bôr be va tele afeng ékôan été nge ki naa émièn a va kôre ékôan. Simeghane naa Jehôva aa ve ayong dèñ akira « abim da yiène » (Jér. 30:11) Éyong bia sukh asi akira Jehôva a ve ya baghle mefulu me ya nsisim mèè, bia baghle mebun naa môr té a ye bera bele éngôngol Ésaa wèè.​—Esaïe 1:16-18 ; 55:7.

DAGHANE ÉNGENGENG N’TOBEGHANE SÔSÔE YA N’NEM ÔSE, YA YALANE MINSILI MIA ZU MI :

• 

  Za mintèñ bekristen be ne bebyèñ ba wôrane éyong é moan wôba a likh Jehôva ?

• 

  Aval avé ékôan é ne sukh asi b’ésaa beté ?

• 

  Aval avé nlang ya Bible wa lere naa é sôsôe bi bele akal Jehôva a yiène dang é sôsôe bi bele akal é nda bôr dzèè ?

• 

  Aval avé bi ne bo naa é sôsôe bi bele ya Jehôva a lôt a dang ya ényî bi bele ya é nda bôr dzèè ?