A ve akira—A ne aval Jehôva a lere bia édzing

A ve akira, da dang tsinan a ve melepgha ye ayeghle, ve ôsimane té, wa wulu fe nsama ya minsonghane nge ki mesurgha. Jehôva a ve bia mekira nfa ye naa bi kang nye aval a kômô. (Bero. 12:1 ; Behéb. 12:10, 11) Metam m’ézing, a ve bia mekira é ne bo mintèñ, ve da lere bia sôsôe ye so bia biboran. (Mink. 10:7) Za dzam é bôr ba ve akira, ye é bôr ba ñong akira ba yiène baghle ôsiman ?

É bôr ba ve akira. Bemvene, bebyèñ ye é bôr befe ba ve akira ba ve mengu’u naa be ve me ya añep ya édzing aval ane Jehôva a bo de. (Jér. 46:28) Amben akira é ne ngu’u, da yiène tobe n’vehane aval da yiène ya édzing.—Tite 1:13.

É môr a ñong akira. Akira ése ba ve bia, biaa yiène ki de tep, bia yiène de yebe ye dzeng naa bi dzale de étéñ té bièn. (Mink. 3:11, 12) Amu bi ne bebo minsem, da yiène naa be ve bia akira, é ne bo n’vehane abuiñ meval. Bi ne ñong akira ye é dzam bia lang a Bible été, nge ki é mam bia wokh éyong bi ne bisulan. Tam ézing, é n’éban naa ésôa bemvene é ve môr ézing akira. Éyong bia yebe ye dzale akira be va ve bia, da ve naa bi bele éning—Mink. 10:17.

DAGHANE ÉNGENGENG « JEHÔVA A VE É BÔR A DZING AKIRA, » ÉYONG TÉ MIA YE YALANE MINSILI MIA ZU MI :

• 

  Aval avé éning Canon é nga sum, ye aval avé é nga tsen ?

• 

  Z’aval akira é mbe n’vehane y’édzing Jehôva a nga ve nye ?

• 

  Z’ayeghle bi ne ñong nlang té été ?