A NING ANE MOAN KRISTEN
Yeneghane mia bebién aval Jehôva a yen mina
« Jehôva a dzing a tèè ayong dèñ. » (Bya 149:4) Afang bo naa bia bo bikop, a yen é mbemba mefulu mèè ya fe é mam bi ne bo. Ve, biyong bizing é ne bia bo ndzukh naa bi yen é mbemba mefulu bi bele. Bi ne lumane ya é mbimbia mesiman bi bele akal aval é bôt bevoo ba yen bia, nge ki éyong bia bira simane bikop bi nga bo melu ô mvus. Dzam té é ne bia ve naa bi sôô naa Jehôva a dzing faa bia. Dzé é ne bia vole éyong bia tubane aval mesiman meté ?
Simghane naa Jehôva aa yen ki mam ane boan be-bôt. (1 Sam. 16:7) Dzam té da yili naa a yen é mam bia bebién biaa yen ki. É dzam é ne mbeng é ne naa, Bible a vole bia naa bi yen bia bebién aval Jehôva a yen bia. Bi ne wokh dzam té éyong bia lang bifus ya minlang mi ye a Bible, mia lere abim avé Jehôva a dzing be-bo bisèñ bèñ.
DAGHANE ÉNGENGENG VAKH NAA N’NEM WIÈ Ô YEBE NAA JEHÔVA A DZING WA, ÉYONG TÉ MIA YALANE MINSILI MIA ZU MI :
Za ayeghle bia ñong ébe éfônan é môt a mare mbii ya ésaa, nfa aval Jehôva a yen bia ?
Nge môt a va bo môra nsem ye man taa mam naa a kôm élat dèñ ya Jehôva, aval avé a ne ve naa n’nem wèñ ô yebe naa Jehôva a dzing ñi ?—1 Jean 3:19, 20
Za ayeghle moadzang a va ñong éyong a va lang ya binan éfônan David ya Jehosafat ?