Mi ne ve naa é nda-bôt denan é tobe mevakh été

Jehôva a kômô naa menda me-bôt me tobe mevakh été. (Bya 127:3-5 ; Eccl. 9:9 ; 11:9) Ve dèè, mevakh mèè me ne sim amu naa mam me ye émo di ma kele bia min’nem ôyôp, nge ki faa akal bikop menda me-bôt mèè ma bo. Za dzam kada môt ya nda-bôt a ne bo nfa ye naa be tobe mevakh été ?

Fam da yiène kang ngal. (1 Pierre 3:7) A yiène lôt tam ya ñe. Aa yiène yane naa ngal aa ye ki bo bikop, a yiène fe lere naa a dzing é mam ngal a bo akal dèñ ya é nda-bôt dzèñ. (Becol. 3:15) A yiène lere naa a dzing ngal ye lughe ñe.—Mink. 31:28, 31.

Minenga a yiène lere meval mesese naa a sukh n’nôm asi. (Mink. 31:12) A yiène lere naa a kang édjié n’nôm ye vole ñe. (Becol. 3:18) A yiène yem kobe ya ñe éyong be ne a nda ya éyong be ne a nseng.—Mink. 31:26.

Bebyèñ ba yiène lôt tam ya é boan beba. (Deut. 6:6, 7) Ba yiène dzô é boan beba naa ba dzing be. (Mat. 3:17) Éyong ba ve be akira, ba yiène de bo ya édzing ye yem fas.—Beéph.6:4.

Boan ba yiène seme ye bo bebyèñ beba mewokh. (Mink. 23:22) Ba yiène likh naa bebyèñ beba be yem é mam ba simane ya é mam ba wôran. Ba yiène fe yebe mekira bebyèñ beba ba ve be ya lere be ngang.—Mink. 19:20.

DAGHANE ÉNGENGENG DZENGHE NAA MEVAKH ME TOBE É NDA BÔR DWIÉ, ÉYONG TÉ MIA YALANE NSILI WA ZU WI :

Za dzam kada môt a va bo nfa ye naa é nda-bôt deba é tobe mevakh été ?