Ye mine va yem de ?

Z’aval metua moan Éthiopien a mbe a too été, éyong Felipe nge ki Phillipe a nga yir ñe bebéñ ?

ÉFIÈ bia konghlane naa « ékalik metua » a Traducción del Nuevo Mundo nge ki Traduction du monde nouveau, be ne belane de akal mendzang bemetua besese (Bisè mintôl 8:28, 29, 38). Ve, a fônane naa, moan Éthiopien a mbe é môra metua été, se ki ékalik bizima nge ki édi ba bo de nkare mbii. N’yeneghan é mam ma ve naa bi dzô dzam té.

Moan Éthiopien té a mbe môra ngovina a nga bo ékena é nga tobe ayap. A mbe « môra môt édjié Candace asi, kéza minenga y’Éthiopie, éñe fe a mbe éé baghle akum sese dèñ » (Bisèñ mintôl 8:27). N’nôm Etiopia nge ki Éthiopie, ô mbe wéé kôre atéé ye Sudan y’ému, ye ke kuiñ nfa nkèñ y’Egipto nge ki Égypte y’ému. Afang bo naa môt té éé dzi ki belane metua mboo naa a bo ékena, éyong ézing a mbe a bele mimbeghe akal môra ékena té. Nsama bemetua be nga belane bo naa ba baghe bôt ntet mimbu ôsua, bii mbe lang é bemetua be bele mindzii ye minkè minii. N’yem mam ya Bible nfa abakh Bisè mintôl a nga dzô é kalare wèñ été naa : « Aval bikalik bemetua beté, be mbe ñong abuiñ mimbeghe ye biôm bife, dzam té é nga ve naa ékena é bo mvèñ, éyong ézing déé ve fe naa bôt be bo bikena bia tobe ayap. »

Moan Etiope nge ki Éthiopien a mbe éé lang éyong Felipe nge ki Phillipe a nga yir ñe bebéñ. Nlang wa lere naa « Felipe nge ki Phillipe a nga mare metua té afeng ye wokh ane [ngovina té y’Etiopia] a mbe éé lang abakh nkule medzô Esaïe ôyap yôp » (Bisè mintôl 8:30). Bikalik bemetua beté bii mbe ki nlonghan akal bikena bia sili avôô. Amu bikalik bité bii mbe ki bii ke avôô, dzam té é nga likh naa moan Etiope nge ki Éthiopien a lang, ve ya fe naa, Felipe nge ki Phillipe a yir ñe bebéñ mebo.

Moan Éthiopien « a nga dzô Felipe nge ki Phillipe naa a dang ye tobe ñe afeng » (Bisè mintôl 8:31). Bikalik bii mbe akal nkat mbii, bedure be mbe béé tebe. Ve, ékalik metua é mbe akal bikena, afôô éé mbe été naa moan Éthiopien ye Felipe nge ki Phillipe be tobe nsama.

Akal é dzam bia lang nten Bisè mintôl abong 8 ye é dzam historia nge ki Histoire é lereyang, éde bivaghle mebakh mèè ma belane me ému, bia lere moan Etiope nge ki Éthiopien a too é môra ékalik metua é bele ndzii, ndaane é boan bikalik bemetua be nga belane bio aluman nge ki akal nkare mbii.