É mam mi ne yeghe étam nge ki y’é nda-bôt dzenan

Biaa kang ki Jehôva fave éyong bia kuane y’é bôt bevoo bisulan bia, é bura bisesang, bisesang melu melal, ve ya fe éyong bi ne étam nge ki ya menda mebôt mèè. É mam mézing mi ne bo étam nge ki y’é nda-bôt dzenan éma :

• A kôman akal bisulan bi y’ékôan. Mi ne yeghe a yiè bya ye vole bôt besese be y’é nda-bôt dzenan naa be kôman éyalan.

• A lang nlang ya Bible. Niène mia mane lang nlang té, boghan évaghle y’é dzam ézing mi va lang nge ki a tsili é dzam ézing mi va yeghe.

• Langhane meyaghlane me ne a Bible été, éyong té mia fas aval dzam té é ne mia vole a kôm meyaghlane menan.

• Daghane bingengeng bi ne a jw.org, éyong té mia kobe adzô é mam mi va yen ye bôt befe, nge ki a tsili é dzam mi va yeghe éngengeng té été.

• A kôman akal minkanghle, éyong ézing môt y’a nda-bôt dzenan a ne bo ane é môt mia ye kanghle, aval té ô ne baalé é dzam wa ye dzô minkanghle.

• Daghan avele, ye binan ébe é dzam avele té da yeghle mina nfa Jehôvaa.