A kômane n’nem wiè

Éyong bia yeghe Bible, bia kômô naa é mam bia yeghe nfa Jehôva me name mesiman, awôran, ye fe minkômane miè. Esdras a nga ve bia mbemba éfônan nfa té, éyong a nga « kômane n’nem wèñ naa a lang Atsing Jehôva » (Esdras 7:10). Aval avé bi ne kômane min’nem miè ?

A yaghlan. Tareghe kada ayeghe ye meyaghlan. Dzaaghe Jehôva naa a vole wa a wokh ye dzale é mam wa yeghe (Bya 119:18, 34).

Boghe asili ñuu. Nzame a shuale bebela ébe é bôr ba tem ye éngung naa, baa yi ki avole môr ézing naa be wokh Bible (Luc 10:21). Ô taa bo mindzeng fave amu wa kômô naa, é bôr bevoo be kam n’yemane wiè. Ye asili ñuu, tsenghe ôtemgha wiè éyong wa yen naa waa wulu ki nsama ye éwi Nzame.

Bèèghe bya bi ye Ékôan. Mesik me bele ngu’u ya kobe ye n’nem wèè, ye kômane bia akal ékang. A bèè dzia ye Ékôan éyong wa sum ayeghe duè, é ne wô vole a kômane n’nem wiè.