AYEGHLE 12
Dzé da ye wô vole naa ô tsini ye ayeghe Bible duè ?
Ayeghe Bible é ne ékena é ne édedèè mvèñ. Ve, é ne bo kaa bo ébubu. Metam m’ézing ô ne sili nge wa ye tsini naa wa bo ayeghe Bible. Amu dzé é ne éban naa ô ve mengu’u naa ô tsini naa wa bo de ? Dzé da ye wô vole naa ô tobe mban amben wa tubane bitsible ?
1. Amu dzé ayeghe Bible é ne éban ?
« Nkobe Nzame ô ne tetèè ô ne fe ngu’u. » (Behébreu 4:12) Bible a ne éban amu naa a lere bia ôsiman Nzame ya é dzam a wôrane akal dèè. A vole bia naa bi bele se ki fave n’yemane, ve ña akeng ya ôyan. É dzam da dang éban é ne naa, Bible a vole bia naa bi bo mengom Jehôva. Éyong mia ye yeghe Bible mia ye likh naa é ngu’u Bible a bele é bo mbemba be-mam éning denan.
2. Amu dzé é ne éban naa mi yem éban be bebela be ya Bible be bele ?
Be bebela be ne a Bible été be ne ane môra ntam. Éde Bible a tsini bia naa « bi kus be bebela beté kaa be vaghle bera kuane. » (Minkana 23:23) Éyong bia baghle ôtemgha wèè été éban be bebela be ya Bible beté be bele, bia sèñ ngu’u nfa ye naa bi tsini ayeghe—amben bia tubane minzukh éning dèè.—A lang Minkana 2:4, 5.
3. Aval avé Jehôva a ne wô vole naa ô tsini ayeghe ?
Akal a ne Mvele ye angom dwiè é bele mengu’u mese, Jehôva a kômô wô vole naa ô yem abuiñ mam ébe ñe. A ne wô ve « nkôman ya ngu’u ya bo de. » (A lang Bephilippien 2:13.) Éde, nge wa yi é dzôm éfe é ne wô ve naa ô kômô yeghe, nge ki a dzale é dzam wa yeghe, a ne wô vole. Nge wa yi ngu’u naa ô dang bitsible bizing nge ki bindaghle, a ne wô ve ngu’u té. Dzaghe Jehôva mban meyaghlan été naa a vole wa naa ô tsini naa wa bo ayeghe Bible.—1 Bethessalonicien 5:17.
A TUGHA FAS
Yeghe aval ô ne tsini ôsu naa wa bo ayeghe Bible amben wéé bele ki abuiñ éyong, nge ki naa é bôr bevoo be tele wa é ngam ayat. Éde fe yeneghe aval Jehôva a ye wô vole naa ô tsini naa wa bo ayeghe.
4. Vaa naa ayeghe Bible duè éde é tebe ôsu
Tam ézing bi ne bele abuiñ mam éning dèè é ne bia likh naa bi taa ki fe bele tam naa bia yeghe Bible. Dzé é ne bia vole ? A lang Bephilippien 1:10, éyong té mia lèè minlang mia daghe minsili mia zu mi :
Za dzam wa simane ébe « mam m’ézing ma dang éban » éning dwiè ?
Aval avé ô ne likh naa ayeghe Bible duè éde é tebe ôsu ?
Nge ô dzale élas ya nselghe, éyong té wa dzeng naa wa furu mekok, mekok maa ye ki mane ñi
Ôsusua nge ô tare furu mekok, wa ye bele afôô naa ô furu abuiñ nselghe, aval dèè fe, nge ô tare furu « é mam ma dang éban ôsu éning dwiè », wa ye bele ngu’u naa wa dzale mam meté ya bele éyong naa wa bo mam mefe
Ayeghe Bible da dzale mekômgha mèè me ya nsisim—nkôman bi bele naa bia yem ñe ya kang ñe. A lang Matthieu 5:3, éyong té mia lèè minlang mia daghe nsili wa zu wi :
Za abuane bia ñong éyong bia likh naa ayeghe Bible dèè éde é tebe ôsu ?
5. Tsinighe amben minzukh mi ne
Metam m’ézing, abim bôt ba ye dzeng naa be ve naa ô sim ayeghe Bible. Daghe éfônan Francesco. Daghane ÉNGENGENG, éyong té mia lèè minlang mia daghe minsili mia zu mi :
Éngengeng di été, aval avé mengom Francesco ya é nda bôr dzèñ be nga ñong mam éyong a nga dzô be naa a yeghe Bible ?
Dzé é nga vole ñe naa a ke ôsu ya ayeghe Bible dèñ ?
A lang 2 Timothée 2:24, 25, éyong té mia lèè minlang mia daghe minsili mia zu mi :
Aval avé é nda bôr dwiè ya mengom mwiè ba ñong mam nfa é mam wa yeghe ?
Aval ane bifus bi bia lere do, aval avé ô ne yalane éyong môr ézing aa dzing ki a tèè naa wa yeghe Bible ? Amu dzé ?
6. Yebeghe avol Jehôva a ve wa
Nté sese bia yir Jehôva bebèñ, nkôman bi bele naa bia ve ñe n’nem mbeng wa ye ke wa vem. Amben naa té, bi ne yen nzukh naa bi songhane éning dèè, nfa ye naa bi ning aval Jehôva a kômô naa bi ning. Nge ô wôrane aval té ô taa sili mo ôsi, Jehôva a ye wô vole. Daghane ÉNGENGENG, éyong té mia lèè minlang mia daghe minsili mia zu mi :
ÉNGENGENG : Jehová nos ayuda a cambiar nge ki Jéhovah nous aide à changer (3:56)
Éngengeng di été, za mam Jim a nga tem nfa ye naa a ve Jehôva n’nem mbeng ?
Za dzam da bira mia name éfônan dèñ ?
A lang Behébreu 11:6, éyong té mia lèè minlang mia daghe minsili mia zu mi :
Za dzam Jehôva a ye bo ébe é bôr « ba dzeng ñe ya n’nem ôse » —da yili naa, é bôr ba ve mengu’u naa ba kômô ñe yem ya ve ñe n’nem mbeng ?
Dzam té da yeghle wô dzé nfa é dzam Jehôva a wôrane éyong a yen mengu’u wa ve naa wa yeghe Bible ?
NGE MÔR ÉZING A SILI WÔ NAA : « Amu dzé wa yeghe Bible ? »
Ô ne yalane ñe yè ?
AKIGHE BES
Amben déé se ki ébubu éyong asese, ayeghe Bible é ne wô vole naa ô buane éning é ne mbèmbèè. Tsinighe naa wa bele mebun ébe Jehôva, éyong té ñe a ye borane wa.
Ôbaghle
Amu dzé be bebela be ya Bible be ne wa éban ?
Aval avé ô ne lere « é dzam da dang wa éban » ?
Amu dzé wa yiène dzaa Jehôva naa a vole wa naa ô tsini naa wa yeghe Bible ?
Ô NE FE KE DAGHE
Daghe é mam menii me nga vole abuiñ bôt naa be yem belane é tam dzeba.
« Cómo invertir sabiamente el tiempo » nge ki « Comment bien gérer son temps » (Despertad!, Febrero de 2014 ; Reveille-vous !, Février 2014)
Daghe aval Jehôva a nga vole minenga ézing, n’nôm éé mbe ki é wokh amu dzé a nga bira ve mengu’u naa a ve Nzame n’nem mbeng.
Daghe aval fam ézing é nga bele abuane amu naa ngal a nga bo mban.
Michael Lemoine: Llevé la verdad a juicio nge ki Michael Lemoine : J’ai fait un procès à la vérité (6:30)
Biyong bizing be wôla bôre Bengaa Jehôva naa ba kane menda me-bôt. Ve ye é ne bebela ?
« ¿Separan los testigos de Jehová a las familias, o las unen? » nge ki « Les Témoins de Jéhovah brisent-ils les familles ou les aident-ils à être plus fortes ? » (Nlô-adzô té ô ne a nden)