A wôran é dzam é môt mboo a wôran

É dzam Yésu a nga bo

ÉNGENGENG : Yésu a yen nsama bôt éngôngoo

1. Daghe ÉNGENGENG, nge ki a lang Marc 6:30-34. Éyong té wa fas minsili mi :

1. Amu dzé Yésu ya mintôl mièñ be nga « kômô tobe étam » ?

2. Za dzam é nga tsini Yésu naa a yeghle nsama bôt ?

Za dzam bia yeghe ébe Yésu ?

2. Éyong bia wôran é dzam é bôt bevoo ba wôran, da tsini bia naa bi bis é bôt bevoo, se fave é fuèñ bia kanghle be.

Vughe Yésu

3. Tugha bèè. Lighe é môt mboo naa a kobe, ô taa ñe kikh nkobe. Bisghe é dzam a wôran, é mam me tsii ñe a n’nem ya é mam a tep. Éyong wa tugha ñe bèè, wa lere naa wa bis é dzam a siman.

4. Siman é môt wa fep. Éyong wa kobe ya ñe, silighe ñe minsili mi :

1. ‘Amu dzé a kômô yem bebela ?’

2. ‘Aval avé ayeghle Bible da ye vole éning dèñ éndagha ya melu ma zu ?’

5. Kobghe ñe é mam me ne ñe vole. Boghe avoo naa ô lere ñe aval ayeghle Bible é ne ñe vole naa a yalane minsili mièñ, ya aval é ne ñe vole éning dèñ.