AYEGHLE 25
Za nkômane Nzame a bele akal dèè ?
Bible a yebe naa éning moan môt é ne ‘étun ya ndzalane ya minzukh.’ (Job 14:1) Ye aval éning té éde Nzame a nga kômô naa bi bele ? Nge éyalane é ne naa kaa, za aval éning a nga kômô naa bi bele ? Aval avé nkômane wèñ wa ye dzalban ? N’yeneghane éyalane Bible a ve.
1. Za aval éning Jehôva a kômô naa bi bele ?
Jehôva a kômô naa bi bele éning da dang mbeng. Éyong a nga vele é boan be-bôt ôsua, a nga furu bo é mbemba paradis nge ki paraíso été, afup Éden. Éyong té « Nzame a nga borane bo, éde a nga dzô be naa : ‘Fuighan, boghane abuiñ, dzalghan si ya djié do.’» (Atarga 1:28) Jehôva a nga kômô naa be bele boan, ya ve naa si ésese é venghane paradis nge ki paraíso, ya yem baghle betsit. Nkômane wèñ akal boan be-bôt besese ô mbe naa be ning mvoa ya bele éning é ne mbèmbèè.
Amben mam mesese méé dzi ki boban aval té,a nkômane Nzame waa be ki tsen. (Esaïe 46:10, 11) A kômô naa é boan be-bôt be ne mewokh be ning mbèmbèè kaa mbia dzam ézing.—A lang Melere 21:3, 4.
2. Aval avé bi ne bele éning é bele ayilgha ému ?
Jehôva a nga vele bia ya « mekômgha me ya nsisim » ane nkômane ya yem ñe ya kang ñe. (A lang Matthieu 5:3-6.) A kômô naa bi bele élat é ne ngu’u ya ñe, « a wulu metsing mesese mèñ été ya dzing ñe, » ya sèhane ñe « ya n’nem ôsese [wèè] » (Deutéronome 10:12 ; Bya 25:14) Éyong bia bo de, bia ye bele ña mevakh amben bi bele minzukh. Ékang bia ve Jehôva da ve éning dèè ña ayilgha, amu naa bia ning aval a kômô.
A TUGHA FAS
Yeneghe aval é môra édzing Jehôva é nga yenban éyong a nga kôm si akal dèè, ya yen é dzam nkobe wèñ wa yeghle bia nfa ayilgha ye éning.
3. Jehôva a kômô naa boan be-bôt be bele mbemba éning
Daghane ÉNGENGENG, éyong té mia lèè minlang mia daghe nsili wa zu wi :
Amu dzé Nzame a nga vele bia mbemba si ?
A lang Ecclésiaste 3:11, éyong té mia lèè minlang mia daghe nsili wa zu wi :
Dzam té da yeghle wô dzé nfa Jehôva ?
4. Nkômane Jehôva waa be ki tsen
A lang Bya 37:11, 29 ya Esaïe 55:11, éyong té mia lèè minlang mia daghe nsili wa zu wi :
Aval avé bia yem naa nkômane Jehôva a bele akal dèè, waa be ki tsen ?
É nda é ntoo ntsaman é ne bera tobe nkôman. Aval dèè fe é si boan be-bôt be nga man tsam, Nzame a ye de bera man kôm akal é boan be-bôt ba dzing ñe
5. A kang Jehôva da ve éning dèè ña ayilgha
A yem ayilgha éning é bele, é ne so bia mevakh. Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : Comprendí el propósito de la vida nge ki J’ai compris le sens de la vie (5:03)
Aval avé Terumi a nga buan ayeghle da tsinane ayilgha ya éning ?
A lang Ecclésiaste 12:13, éyong té mia lèè minlang mia daghe nsili wa zu wi :
Amu Jehôva a nga bo abuiñ mam akal dèè, aval avé bi ne lere naa bia yem mbeng a nga bo bia ?
NGE MÔR ÉZING A SILI WÔ NAA : « Za ayilgha éning é bele ? »
Wa ye yalane yè ?
AKIGHE BES
Jehôva a kômô naa bi buan éning é ne mbèmbèè aval da dang mbeng a si va. Éyong bia kang ñe ya n’nem ôse wèè, éning dèè é bele ña ayilgha—amben ému.
Ôbaghle
Za dzam Jehôva a nga kômô mesumgha akal Adam ya Éve nge ki Adan ya Eva ?
Aval avé bia yem naa nkômane Nzame akal boan be-bôt waa be ki tsen ?
Aval avé éning dèè é ne bele ña ayilgha ?
Ô NE FE KE DAGHE
Yeneghe é mam ma lere naa afup Éden é mbe faa.
« Edén: ¿fue la cuna de la humanidad? » nge ki « L’Éden demeure originelle de l’homme ? » (La Atalaya, 1 enero de 2011 ; La Tour de Garde, 1er janvier 2011)
Yeghe amu dzé bi ne bele mebun naa si da ye tobe mbèmbèè.
« ¿Será destruida la Tierra? » nge ki « La terre sera-t-elle détruite ? » (Nlô-adzô té ô ne a nden)
Yeneghe é dzam Bible a dzô nfa aval éning dèè é ne bele ayilgha.
¿Cuál es el sentido de la vida? nge ki Quel est le sens de la vie ? (Nlô-adzô té ô ne a nden)
Yeneghe aval avé môt ézing a nga yen é dzam é mbe déé makh ñe éning dèñ.
Ahora mi vida tiene sentido nge ki Maintenant, j’ai une vie qui a un sens (3:55)
a Ayeghle da zu, wa ye yen amu dzé bii bele ki mbemba éning té ému.