AYEGHLE 45

Bekristen baa ñong ki ngap ébe mam me ye émo

Mebakh akal nkulane

Yésu a nga dzô beyeghe bèñ naa baa yiène ki « ñong ngap ébe mam me ye émo. » (Jean 15:19) Dzam té da yili naa biaa ñong ki ngap ébe mam me politique nge ki política, ya meluman me ye émo di. Bebela a ne naa, déé se ki ébubu naa, bi bo kaa ñong ngap. Be ne bia pogho akal té. Aval avé bi ne bo kaa ñong ngap ya tobe sôsôe ya Jehôva Nzame ?

1. Aval avé beña bekristen ba yen bidjié boan be-bôt ?

Bekristen ba ve bidjié bi ye é si deba ngang. Bia bo aval Yésu a nga dzô ye « kee ndjié César é biôm César » dzam té da yili naa, bia kang metsing me ye é si dèè, ane a yaane minfong-misi ba sili bia. (Marc 12:17) Bible a yeghle naa, bidjié bi ya si bia djié fave amu Jehôva a likh naa be djié. (Beromain 13:1) Éde bia yebe naa bidjié boan be-bôt bi bele menié. Bi bele mebun naa Nzame ya Édjié dèñ é ne a dzôp, éde da ye mane kôm minzukh boan be-bôt bese.

2. Aval avé bi ne lere naa biaa ñong ki ngap ?

Ane Yésu, biaa ñong ki ngap ébe mam me política. Éyong bôt be nga yen ane Yésu a bo mekengha, be nga dzeng naa ba ke ñe ntum édjié a si va, ve, éé dzi ki yebe dzam té. (Jean 6:15) Amu dzé éé dzi ki de yebe ? Amu naa, aval émièn a nga dzô de, « Édjié dam déé bele ki ngap ya mam me ya si. » (Jean 18:36) Ane beyeghe Yésu, bia lere naa biaa ñong ki ngap ébe abuiñ meval. Éfônan, biaa bo ki aluman. (A lang Michée 4:3.) Bia kang mendem me ya mesi ane, be bandele, ve biaa wumu ki bio. (1 Jean 5:21) Ya fe naa, biaa ñong ki ngap ébe minsama mi política nge ki betebe ôsu be ye minsama mité, nge ki faa a tebe bo é ngam ayat. Aval té ya meval mefe, bia lere naa bia sukh asi ya n’nem ôse Édjié Nzame.

A TUGHA FAS

Yeneghan é mam me ne ve naa bi bo kaa ñong ngap, ya yen aval bi ne ñong minkighan mia ye ve Jehôva n’nem mbeng.

Môt a baghle é sôsôe dèñ kaa ñong ngap. Aa bèè ki é mam é bôt ba sunghan édjié ba dzô.

3. Beña bekristen baa ñong ki ngap

Yésu ya beyeghe bèñ, be nga likh bia éfônan. A lang Beromain 13:1, 5-7 ya 1 Pierre 2:13, 14. Éde, daghane ÉNGENGENG éyong té mia lèè minlang mia daghe minsili mia zu mi :

ÉNGENGENG : Los cristianos verdaderos somos neutrales—parte 1 nge ki La neutralité des vrais chrétiens—partie 1 (4:28)

Amu dzé bia yiène kang bidjié bi ya si ?
Meval mevé bi ne lere naa bia kang bidjié ?

Metam meluman, meyong me wôla dzô naa maa ñong ki ngap, ve daa, ma sukh minfa mibèñ mia luman. A bo kaa ñong ngap da yili faa yè ? A lang Jean 17:16. Éde, daghane ÉNGENGENG éyong té mia lèè minlang mia daghe nsili wa zu wi :

ÉNGENGENG : Los cristianos verdaderos somos neutrales—parte 2 nge ki La neutralité des vrais chrétiens—partie 2 (3:11)

A bo kaa ñong ngap da yili yè ?

Za dzam bi ne bo nge édjié ya si da dzô bia naa bi bo é dzam da lumane ya atsing Nzame ? A lang Bisè mintôl 5:28, 29. Éde, daghane ÉNGENGENG éyong té mia lèè minlang mia daghe minsili mia zu mi :

ÉNGENGENG : Los cristianos verdaderos somos neutrales—parte 3 nge ki La neutralité des vrais chrétiens—partie 3 (1:18)

Nge atsing moan môt da selane ya atsing Nzame, atsing za bia yiène bèè ?
Ye wa tem naa, mam m’ézing me ne likh naa moan kristen a bo kaa bèè bidjié bi ye a si ?

4. A bo kaa ñong ngap mesiman ya mimboane

A lang 1 Jean 5:21. Éde, daghane ÉNGENGENG éyong té mia lèè minlang mia daghe minsili mia zu mi :

ÉNGENGENG : Amu dzé be nya bekristen ba yiène bo ayokh—Naa be bo kaa ñong ngap (2:49)

Éngengeng di été, amu dzé Ayenge a nga kikh naa aa ñii ki minsama mi politique nge ki política, nge ki a dzemle mefet me ye émo, ane a wumu bandele ?
Ye wa tem naa a va ñong mbemba nkighan ?

Mam mevé me ne likh naa é bo ndzukh naa bi bo kaa ñong ngap ? Daghane ÉNGENGENG, éyong té mia lèè minlang mia daghe minsili mia zu mi :

ÉNGENGENG : Lecciones de « La Atalaya » : Seamos neutrales en este mundo dividido nge ki Tirons des leçons de La Tour de Garde : Reste neutre dans un monde divisé (5:16)

Aval avé bi ne lere naa biaa ñong ki ngap éyong é si dèè da lè ndama nge ki bivuiñ bife ya mesi mevoo ?
Aval avé bi ne lere naa biaa ñong ki ngap amben minkighan bôt be politique nge ki política mia name bia ?
Aval avé é mam bia wokh ya yen nge ki é bôt bia be bo bia wulu, be ne ve naa é bo ndzukh naa bi bo kaa ñong ngap ?

Fôrô : 1. Nsama bôt ba wokh ôlun ba bam minseng ya mefep ô mo. 2. Môt a bele bandele ô mo akal a sukh é si dèñ da vuiñ ya si éfe. 3. Mong sikôlô a yiè é za da lughu si a bele wo a bere ñe nkuk. 4. Moan bizima a baghe ngèè. 5. Bôt be politique bebèñ ba sughane éto ndjié ya si. 6. Minenga a fure é kalare a lere é môt a top. — Bitéñ bivé moan kristen a yiène bo kaa ñong ngap mesiman ya mimboane ?

NGE MÔR ÉZING A SILI WÔ NAA : « Amu dzé waa berane ki bandele nge ki a yiè é dziè da lughu si ? »

Wa ye yalane yè ?

AKIGHE BES

Bekristen ba sèñ ngu’u naa be bo kaa ñong ngap ébe mam me politique nge ki política, nfa mesiman, nkobe ya fe mimboane.

Ôbaghle

Za dzam bia yiène bo nfa bidjié boan be-bôt ?
Amu dzé biaa ñong ki ngap ébe mam me politique nge ki política ?
Bitéñ bivé bi ne ve naa é bo ndzukh naa bi bo kaa ñong ngap ?

É môs ayeghle é va man:

É dzam wa ye bo

Simghane é dzam é ne ve naa é bo wô nzukh naa ô bo kaa ñong ngap, éyong té wa kikh é dzam wa ye bo nge wa tubane aval dzam té.

Dzam afe :

É dzam afe wa ye bo

Ô NE FE KE DAGHE

Za mam m’ézing bi ne yebe naa bia dzimle naa bi bo kaa ñong ngap ?

Jehová nunca nos ha fallado nge ki Jéhovah ne nous a jamais déçus (3:14)

Za dzam menda me-bôt me ne tare bo naa be kômane nfa é dzam ba ye bo naa be bo kaa ñong ngap ?

Éyong ése, bia ñong ki ngap ézing bisesang bi y’émo (4:25)

Abuiñ bôt ba ñong naa a kame é si deba é ne môra ntam môt a ne bele, ô tèè de yè ?

« Todas las cosas son posibles para Dios » nge ki « Tout est possible à Dieu » (5:19)

Daghan aval mi ne bo kaa ñong ngap, éyong bia ñong minkighane mia tsinan ésèñ bia kômô bo.

« Cada uno llevará su propia carga de responsabilidad » nge ki « Chacun portera sa propre charge » (La Atalaya, 15 de marzo de 2006 ; La Tour de Garde, 15 mars 2006)