Yeneghe mimbeng mi-mam mi ya nsisim ô ne dzale éning duè

Éyong bia lang Bible bi ne yen mimbeng mi-mam mi ya nsisim éyong bia bo mindzeng. Ve, aval avé bi ne tugha buane me ?

A tugha fas é boan bemam me ne minlang mi ya Bible été. Éfônan, dzenghe naa ô yem é môt a nga tsili éfus ya Bible té, a nga tsili bio za, y’ôden a nga tsili bio. Dzenghe naa ô yem étéñ môt té a mbe a tele, é mam me nga boban kaa naa a tsili bifiè bité, y’éma me nga boban ôsu vèè.

Bilighe meyeghle ma kuiñ été, wéé bo mindzeng ye sili wamièn minsili ane : ‘É bôt be ne nlang té été, be mbe béé wôrane yè ? Za mefulu be mbe be bele ? Amu dzé ma yiène vu mefulu meba nge ki za mbia mefulu ma yiène saalé ?’

Dzaleghe meyeghle ô va ñong, a ne bo nfa minkanghle nge ki aval wa tobe y’é bôt bevoo. Éyong wa bo de, wa lere naa ô bele é fakh da so ébe Nzame, aval é dzam Bible a dzô di : « É môt ase a ne fakh a ye dzale é mam ma » (Bya 107:43).

• Melepgha : Bilighe aval é mam bia yeghe ésulan y’ézizang sono, nfa Akum ya kalare Nzame, da vole bia a bembe ébe aval bi ne dzale é mam bia yeghe. Biyong bizing, nfa té ô wula bele minsili bi ne sili bia bebién, mesiman bi ne binan, ye bivaghle bi ne fas.