Same

 2 Era na malai totolo ga vaka na co+

Qai raqosa yani vaka na co vou e drokadroka.

 3 Nuitaki Jiova qai cakava na ka vinaka,+

Vakaitikotiko ga e vuravura* qai cakacaka ena yalodina.+

 4 Mo rekitaki Jiova,*

Ena qai solia vei iko na veika e gadreva na lomamu.

 5 Tataunaka na nomu sala vei* Jiova,+

Vakararavi vua, ena qai yavala ena vukumu o koya.+

 6 Ena vakavuna me serau vaka na kida ni mataka na nomu yalododonu,

Me vaka tale ga na matanisiga ena sigalevu tutu na nomu lewadodonu.

 7 Galu tiko ga ena mata i Jiova+

Qai waraki koya ena vakanuinui.*

Kua ni rarawataka na tamata

E rawaka ni vakayacora na nona lalawa.+

 8 Mo biuta na cudru qai vakanadakuya na katakata,+

Kua ni rarawa qai goleva na caka ca.*

 9 Nira na vakarusai laivi na daucaka ca,+

Ia o ira na dau nuitaki Jiova era na taukena na vuravura.+

10 Malua mada vakalailai, sa na sega vakadua na daucaka ca,+

O na rai ena vanua era tu kina e liu,

Era na yali kina.+

11 Ia era na taukena na vuravura na yalomalumalumu,+

Era na kunea na marau vakasakiti ena levu ni vakacegu.+

12 Na daucaka ca e dau bukia na kena vere na yalododonu,+

E vaqurubati vua.

13 Ia o Jiova ena dredrevaki koya,

Ni kila o koya ni na yaco mai na nona siga.+

14 Era ucuna mai na nodra iseleiwau na daucaka ca, ra qai loveca* nodra dakaititi

Mera vakabalei kina na vakaloloma kei na dravudravua,

Mera vakamatei kina o ira e dodonu na nodra sala.

15 Ia na nodra iseleiwau ena suaka na lomadra,+

Na nodra dakaititi ena musulaki.

16 E vinaka sara na ka lailai e tu vua na yalododonu

Mai na ka e bini tu vei ira e levu na daucaka ca.+

17 Ni na musuki na ligadra na daucaka ca,

Ia ena tokoni ira na yalododonu o Jiova.

18 E kila vinaka o Jiova na ka era sotava na tamata tawacala,*

Ena sega ni mudu na nodra ivotavota.+

19 Era na sega ni vakamadualaki ena gauna ni leqa,

Era na bula sautu ena gauna ni dausiga.

20 Ia era na rusa na daucaka ca,+

Era na yali na meca i Jiova me vaka na veico bulabula,

Era na yali vaka na kubou.

21 E dau dinau na daucaka ca qai sega ni sauma lesu,

Ia na yalododonu e yalosavu* qai dau lomasoli.+

22 Era na taukeni vuravura o ira na vakalougatataki mai vua,

Ia era na vakarusai laivi o ira na cudruvi mai vua.+

23 O Jiova e dusimaka* na ilakolako ni tamata+

Ni kunea o Koya na marau ena nona sala.+

24 Ke bale mada ga o koya, ena sega ni davo vakatoboicu,+

Ni tokoni koya o Jiova ena ligana.+

25 Au a gone, qo au sa qase,

Ia au sega ni raica e dua na yalododonu me biu wale tu,+

Se ra vaqara madrai* na luvena.+

26 E dau soli ka vakarawarawa o koya,+

Era na vakalougatataki tale ga na luvena.

27 Gole tani mai na ca qai cakava na ka vinaka,+

O na qai tu ga me sega ni mudu.

28 Ni taleitaka na lewadodonu o Jiova,

Ena sega ni biuti ira na nona tamata yalodina.+

Era na taqomaki tiko ga,+

Ia na kawa ni daucaka ca ena vakarusai laivi.+

29 O ira na yalododonu era na taukena na vuravura,+

Era na qai bula tawamudu kina.+

30 Na gusuna na yalododonu e tukuna tu ga na vuku,*

Na yamena tale ga e tukuna na lewadodonu.+

31 Sa tu ga e lomana+ na lawa ni Kalou,

Ena sega ni tataivatia na nona ilakolako.+

32 Na daucaka ca e vakaraica voli na yalododonu,

E saga tiko me vakamatei koya.

33 Ia o Jiova ena sega ni biuti koya ina liga ni tamata oya+

Se vakacalai koya ni sa lewai.+

34 Nuitaki Jiova qai muria nona sala,

Ena qai vakacerecerei iko mo taukena na vuravura.

35 Au sa raica na daucaka ca tawaloloma

Ni tete yani me vaka na vunikau bulabula ena kena qele dina.+

36 Ia sa takali yani vakasauri o koya qai yali sara,+

Au vaqarai koya tiko ga, ia e sega ni kune rawa.+

37 Vakasamataki koya e tawacala,*

Qai raici koya tiko ga na yalododonu,+

Ni na vakacegu nona veigauna se bera mai.+

38 Ia o ira kece na dau talaidredre era na vakarusai,

Na nodra veigauna se bera mai na daucaka ca ena muduki.+

39 Na nodra vakabulai na yalododonu e vu mai vei Jiova,+

O koya na nodra ivunivuni ena gauna ni leqa.+

Ena vueti ira mai vei ira na daucaka ca qai vakabulai ira,

Nira vakaruru vua.+