“Au Dokai Kemuni”

VOLA mai na vosa oqori e dua na lotu Katolika mai Fairhope, Alabama, e Mereke, me baleta na nodra ivola na iVakadinadina i Jiova kei ira na dau solia vua na ivola oqori.

“E dau totoka vakaoti na italanoa kei na kena ivolavolai na ivoladraudrau Na Vale ni Vakatawa kei na Yadra!,” e kaya o koya. “Au marautaka dina na nomuni dau mai solia vei au na ivoladraudrau ruarua oqori. Au dau wiliki rau ruarua.

“Oni rakorako, oni qai vakaitovo, au marautaka dina niu raici ira na cakava tiko na cakacaka ni Kalou (o Jiova) ena matadredredre. Rau se qai sikovi au ga e rua na gonelalai, rau solia vei au na ivoladraudrau. Au vakavinavinakataki rau niu marautaka na noqu raici rau ni rau vakaitavi tiko ena cakacaka vinaka, rau sega ni vakatubuca.

“Au lotu Katolika kaukaua . . . , ia au qoroya na cakacaka vinaka oni cakava tiko kei na nomuni isoqosoqo. Au taleitaka vakaidina na nomuni ivoladraudrau, au vakacaucautaki ira na nomuni lewenilotu mamarau. . . . Au dokai kemuni. Ni tomana tiko ga na cakacaka vinaka oqori.”

Era tabaka tale ga na iVakadinadina i Jiova na ivola e ganita na dui ituvaki eda dau sotava. E dua vei ira na brochure e 32 na taqana e kena ulutaga Na Cava e Loma ni Kalou vei Keda? E vakamacalataki ena kena 16 na lesoni na yavu ni ivakavuvuli vakaivolatabu kei na ka e kaya na iVolatabu meda cakava me vakadonui keda kina na Kalou. Ke o vinakata e dua na ilavelave e soli wale, vakalewena na fomu ni kerekere e toka oqori qai vakauta ina itikotiko e volekati iko e tabaki ena taqana e 5 ni ivoladraudrau oqo.

□ Au kerea me dua na noqu ivola Na Cava e Loma ni Kalou vei Keda?

Vosa o vinakata kina.

□ Au kerea me dua e mai vakavulici au wale e vale ena iVolatabu.