Dina ni Dauvakatitiqa, ia a Vaqaqara Tiko Ga

ENA dua na ivola a vakau ena valenitabana ni iVakadinadina i Jiova mai Slovenia, e kaya kina e dua na turaga a papitaiso ena lotu Katolika: “Au kerea me vakau mai vei au Na Cava e Loma ni Kalou vei Keda? Au vinakata tale ga meu kila se sala cava e rawa ni yaco mai kina vakawasoma vei au na ivoladraudrau na Yadra!”

E kaya na turaga oqo: “Au kerea me kua ni tauri cala na ka au tukuna. Au se vakatitiqataka toka mada ga na ka e baleta na lotu, ia sa dua na ka noqu kurabui ena noqu wilika na Yadra!, e sega ni togaraka na vakasama, ia e vakamacalataka ga vakadodonu qai vakamatata na ka.” Sa qai cavuta e dua na ivola vakalotu kilai qai kaya ni dau vakawaicalataka sara ga na vakasama ni tamata.

E vakamacalataka na turaga oqo na vuna e volavola kina me kerea na Loma ni Kalou, e sega ni lomana me vakalewena na fomu ni kerekere e tiko ena daku ni Yadra! E kaya: “Au sega ni vinakata meu vakaduka na ivoladraudrau na Yadra!, au vinakata me tu vinaka tu ga!”

Na ivola e 32 na taqana, Na Cava e Loma ni Kalou vei Keda?, e tiko kina e 16 na lesoni. E vakavotui kina na ivakavuvuli bibi vakaivolatabu kei na ivakamacala vakaivolatabu e vauca na ka e vinakata na Kalou me rawa ni vakadonui keda kina. Ke oni gadreva me dua tale ga na nomuni ilavelave ni ivola oqo, vakalewena na fomu ni kerekere e toka e ra, qai vakauta mai ena itikotiko e volai toka kina se ena itikotiko veiganiti era koto ena taqana e 5.

□ Au kerea me dua na noqu ivola Na Cava e Loma ni Kalou vei Keda?

Vosa o vinakata kina

□ Au kerea me dua e mai vakavulici au wale e vale ena iVolatabu

[iYaloyalo ena tabana e 32]

113 na milioni na ilavelave ena 240 na vosa