Bula Vakaidewadewa se Buli?

Veivakurabuitaki na Ulu ni Woodpecker

● Vakasamataka mada ke lauti iko e dua na ka e rauta ni 80 ina 100 na g-forcea na kena totolo, o na rawa sara ga ni ciba. Ia na manumanu vuka na woodpecker, e vakayagataka sara ga na gusuna me kelia na kuli ni vunikau, na kaukaua kei na totolo ni nona cakava qori e rauta ni 1,200 na g-force. E sega mada ga ni mosi na uluna, sega tale ga ni cibati koya. E cakava tu mada vakacava qori?

Dikeva mada qo: Era dikeva rawa na daunivakadidike ni va na ka e tiko ena manumanu qo e sega ni vakila kina na mosi:

1. E kaukaua na gusudra qai lovelove rawarawa

2. Na sui e taqomaka na nodra qavokavoka

3. E tiko ena nodra qavokavoka e dua na sui malumu e vaka na sipazi

4. E rabalailai na vanua e drodrova na wai mai na nodra qavokavoka ina mona

Qori na vuna e sega kina ni vakila na mosi na woodpecker se me vakaleqai na nodra qavokavoka. E rawa kina nira kelia vaka22 na tolonikau ena dua na sekodi, qai sega ni bau vakacacani na nodra mona.

Ena nodra qoroya na daunivakadidike na ibulibuli ni ulu ni woodpecker, era bulia kina e dua na kisi kaukaua e rawa mada ga ni vorata e rauta na 60,000 na g-force. De dua na ka era rawata qori ena rawati tale kina eso na ka, me vaka na kena taqomaki vinaka na misini ni katokatoni ni waqavuka, ena gauna mada ga qo e se vorata rawa e rauta na 1,000 na g-force. E tukuna o Kim Blackburn, e dua na idinia e Cranfield University mai Peritania, ena ka era sa dikeva me baleta na ulu ni woodpecker “e ivakaraitaki vakasakiti dina na kedra vereverea na veika buli, e rawa nira lai cakava kina na ka e nanumi tu ni dredre.”

Na cava o nanuma? A buli na ulu ni woodpecker se bula vakaidewadewa?

[iVakamacala e ra]

[iYaloyalo ena tabana 29]

1

2

3

4

[iTaba ni Credit Line ena tabana 29]

Redheaded woodpecker: © 2011 photolibrary.com