LESUVI IRA
LESONI 9
Mo Yalololoma
iVakavuvuli Vakaivolatabu: “Marau vata kei ira era marau, tagi vata kei ira era tagi.”—Roma 12:15.
Ka e Cakava o Jisu
1. Sarava na VIDIO, se wilika Marika 6:30-34, qai sauma na taro qo:
Na cava e vinakata kina o Jisu kei ratou nona yapositolo me ratou lai ‘tu vakatikitiki’?
Na cava e uqeti Jisu me vakavulici ira na ilala levu?
Na Cava Eda Vulica Vei Jisu?
2. Na yalololoma ena uqeti keda meda vunau vei ira na tamata, meda vukei ira tale ga.
Vakatotomuri Jisu
3. Vakarorogo vinaka. Laivi koya me talaucaka na lomana. Kua ni vosa takoso ni tukuna tiko na nona nanuma se dua na ka e sega ni taleitaka. Ni o vakarorogo vinaka, e vakaraitaka ni o kauaitaka na ka e nanuma.
4. Vakasamataki koya. Ni drau veitalanoa tiko, mo taroga:
‘Na cava me kila kina na ka dina?’
‘Ni vulica na iVolatabu, ena veisautaka vakacava na nona bula ni veisiga kei na veigauna se bera mai?’
5. Wasea na itukutuku ena yaga vua. Kena gauna totolo duadua, mo vakaraitaka vua ni nona vulica na iVolatabu ena saumi kina nona vakatataro, ena vukei koya tale ga.