Bose Vakayabaki, 7 Okotova, 2000

NA NODRA BOSE VAKAYABAKI na lewe ni Watch Tower Bible and Tract Society of Pennsylvania ena vakayacori ena 7 Okotova, 2000, ena nodra Assembly Hall na iVakadinadina i Jiova ena 2932 Kennedy Boulevard, e Jersey City, New Jersey. Era na veivosaki taumada na lewe ga ni iSoqosoqo ena 9:15 ena mataka, sa na qai tekivu na bose levu vakayabaki ena 10:00.

Na lewe ni iSoqosoqo e veisau na nona katonimeli ena loma ni yabaki me vakaraitaka ina nona Valenivolavola na Sekeriteri me rawa ni vakau kina vua ena Julai na notisi ni bose kei na ivola me toqa kina nona digidigi.

Me na tiko na ivola oqo vaka kina na notisi ena nona Valenivolavola na Sekeriteri ni iSoqosoqo ni bera se donuya na imatai ni Okosita. Mera dui vakalewena totolo na nodra digidigi na lewe ni iSoqosoqo, mera tukuna tale ga mai se ra na tiko ena bose se sega. Me vakamatatataki ena ivola na tikina oqo baleta ena kilai kina na iwiliwili ena tiko ena bose.

E nanumi tiko ni na cava na bose, bau kina na bosei ni itukutuku kece ena 1:00 ena yakavi, se dua na gauna lekaleka ni oti oya. Ena sega tale na bose ni oti oya. Ni sega ni levu sara na valenibose, sa ra na curu ga o ira na vakatikite. Ena sega ni semai ena talevoni ina so tale na valenisoqo na bose vakayabaki.