O Rawa Beka ni Raitayaloyalotaka na Ka O Wilika?

ENA rawarawa nomu raitayaloyalotaka na ka e yaco ke o sa kila rawa toka na vanua o wilika tiko. Kena ivakaraitaki, dikeva mada e so na nona ilakolako vakaulotu na yapositolo o Paula, e tukuni tu ena ivola vakaivolatabu na Cakacaka. A tekivu yani e Anitioki ena imatai ni nona ilakolako, na vanua era a vakatokai taumada kina na imuri i Jisu mera lotu Vakarisito. Mai kea sa qai gole tale ena so na vanua me vakataki Salamisa, Anitioki e Pisitia, Ikoniona, Lisitira, kei Tapi. O rawa ni raitayaloyalotaka na vanua era dui tu kina na veikoro oqo?

De dua ena sega ni rawa, vakavo ga ke tiko vei iko e dua na mape. Ia, sa tu sara ga oqo na mape vaka oqori ena ivola e 36 na tabana, na “Raica na Vanua Vinaka.” E kaya ena vakavinavinaka e dua e wilika na ivola oqo e Montana, Mereke: “Au rawa ni raica na nona ilakolako o Paula, au qai vakasamataka na dredre ni nona taubale se vodo waqa kei na cakacaka levu a cakava o koya kei ira na vo ni lotu Vakarisito ena imatai ni senitiuri me vakatetei kina na itukutuku vinaka. Vinaka vakalevu na idusidusi totoka oqo ni vukei au meu raitayaloyalotaka kina na ka e yaco.”

Na mape e baleta tiko na ilakolako i Paula e dua ga vei ira na levu tale na mape ena ivola oqo, ena vukei koya e wilika me raitayaloyalotaka sara ga na ka e volai tu ena iVolatabu. Ke o gadreva me dua tale ga na nomu ilavelave ni “Raica na Vanua Vinaka” vakalewena na fomu ni kerekere e toka e ra, qai vakauta mai ena itikotiko veiganiti e koto ena tabana e 2 ni ivola oqo.

□ Au kerea me vakau mai vei au na ivola “Raica na Vanua Vinaka.” Vosa o vinakata kina

□ Au kerea me dua e mai vakavulici au wale ena iVolatabu.

[iTaba ni Credit Line ena tabana e 32]

Pictorial Archive (Near Eastern History) Est.