Na Ka Bibi me Nanumi

NA CAVA na ka bibi oqo? Na mate ni dua na turaga volekata na 2,000 na yabaki sa oti. “[Au] sa solia tu na noqu bula ka me’u na qai taura lesu tale,” e kaya o koya. “E sega ni dua e mai kauta tani vei au, ka niu sa solia vakai au ga.” (Joni 10:​17, 18, VV) Na turaga oqo o Jisu Karisito.

A vakaroti ira na nona imuri o Jisu mera vakananuma na nona mate vakaisoro. Na soqo oqo e dau vakatokai tale ga me “[i]vakayakavi ni Turaga.” (1 Korinica 11:20) Na iVakananumi a tauyavutaka oya o Jisu e nanumi kina na nona mate, era na vakananuma tiko na iVakadinadina i Jiova kei na nodra itokani ena Lotulevu, 24 Maji, 2005, ni sa dromu na siga.

Ena vakamacalataki ena dua na ivunau e yavutaki vakaivolatabu na ibalebale ni madrai sega ni vakaleveni kei na waini damudamu e vakayagataki ena soqo oqori. (Maciu 26:​26-​28) Ena sauma tale ga na ivunau oqori na taro me vaka: Mera dau vakananuma vakavica na lotu Vakarisito na iVakananumi oqo? O cei e dodonu me vakayagataka na madrai kei na waini? E yaga vei cei na mate i Jisu? Na soqo bibi oqo ena vukei keda meda kila na inaki ni nona bula kei na nona mate o Jisu.

Oni na kidavaki ena soqo ni iVakananumi ni mate i Jisu. Yalovinaka raici ira na iVakadinadina i Jiova ena vanua o vakaitikotiko kina me baleta na vanua kei na gauna ena caka kina na soqo.