Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • w06 1/1 t. 30
  • Taro na Dauwiliwili

Sega na kena vidio.

Vosota, sega ni laurai rawa na vidio.

  • Taro na Dauwiliwili
  • Na Vale ni Vakatawa Kacivaka na Matanitu i Jiova—2006
  • iKuri ni Ulutaga
  • Me Donu Tiko ga Noda Rai
    Na Vale ni Vakatawa Kacivaka na Matanitu i Jiova—2014
  • Vakavulici Keda O Jiova Meda Wilika Noda Siga
    Na Vale ni Vakatawa Kacivaka na Matanitu i Jiova—2001
  • O na Rawa ni Bula Tawamudu
    Na Vale ni Vakatawa Kacivaka na Matanitu i Jiova (Vulici)—2022
  • Veitikina Bibi Mai na iKatolu kei na iKava ni iWasewase ni iVola na Same
    Na Vale ni Vakatawa Kacivaka na Matanitu i Jiova—2006
Raica Tale Eso
Na Vale ni Vakatawa Kacivaka na Matanitu i Jiova—2006
w06 1/1 t. 30

Taro na Dauwiliwili

Na Same 102:26 e tukuna ni “na rusa” na vuravura kei na lomalagi. Kena ibalebale beka oya ni na vakarusai na vuravura?

Ena dua na nona qaqanimasu na daunisame, e kaya kina vei Jiova: “Mailiu sara ko ni a tauyavutaki vuravura: io na cakacaka ni ligamuni, ko lomalagi: ena rusa oqori, ia koi kemuni ko ni na tiko ga; ena madra kece talega mai oqori me vaka nai sulu; o ni na vakaisosomitaka me vaka nai tutuvi, ia era na vakaisosomitaki.” (Same 102:​25, 26) Na veitikina yavolita e vakaraitaka na nona bula tawamudu na Kalou, sega ni kena vakarusai na vuravura. E dusia tale ga na veitikina yavolita na vuna e veivakacegui kina na ka dina bibi oya vei ira na tamata ni Kalou.

Rairai a tu vakavesu mai Papiloni na daunisame ni tekivu vakamacalataka nona rarawa. E tagicaka ni sa lekaleka na nona bula “me vaka na kubou.” Na levu ni nona lomabibi e vakaleqa na yagona, e vakila ni suina ‘sa waqa me vaka na qilaiso.’ E wawale, e “malai me vaka na co,” qai galili me ‘vaka na separo e tiko duadua ga ena delanivale.’ Na veika dredre e sotava e sega ni garova kina na kakana qai kune rarawa ena veisiga ni nona bula. (Same 102:​3-​11) Ia, se vakanuinui tiko ga na daunisame. Cava na vuna? Ena vuku ni veika e yalataka o Jiova ni na cakava vei Saioni, se Jerusalemi.

Dina ga ni sa rusa o Saioni, ia a yalataka o Jiova ni na vakavoui tale. (Aisea 66:⁠8) E kaya gona vei Jiova ena nuidei na daunisame: “O ni na yalololoma ki Saioni: ni sa yaco na gauna me lomani kina ko koya, io, na gauna ka loku sa qai yaco. Ni sa qai tara ko Jiova na koro ko Saioni.” (Same 102:​13, 16) Sa qai taleva na daunisame na ka rarawa e sotava tiko. E vakamacalataka ni kevaka sa rawa ni vakavoutaki tale o Jerusalemi ena kaukaua ni Kalou, ena rawa tale ga vei Jiova me vakabulai koya mai na kena ituvaki vakaloloma. (Same 102:​17, 20, 23) Dua tale na ka e uqeta na daunisame me nuitaki Jiova kina vakatabakidua. Na cava oya? Na nona bula tawamudu na Kalou.

Na bula tawamudu i Jiova e veibasai sara ga kei na lekaleka ni nona bula na daunisame. “A nomuni veiyabaki sa yacova nai tabatamata kecega,” e kaya vei Jiova. (Same 102:24) Tarava ena nona kaya: “Mailiu sara ko ni a tauyavutaki vuravura: io na cakacaka ni ligamuni, ko lomalagi.”​​—⁠Same 102:⁠25.

Io, na dede sara mada ga ni gauna e tu kina na vuravura kei na lomalagi, e sega ni rawa ni vakatauvatani kei na nona bula tawamudu o Jiova. Kuria na daunisame: “Ena rusa oqori [vuravura kei lomalagi], ia koi kemuni ko ni na tiko ga.” (Same 102:26) Na vuravura kei na lomalagi e rawa ni vakarusai. Dina, ni kaya o Jiova ena so na tikinivolatabu ni rau na tu me tawamudu. (Same 119:90; Dauvunau 1:⁠4) Ia, ena rawa ni rau vakarusai kevaka me a inaki ni Kalou. Ena yasana kadua, na Kalou e sega ni mate rawa. Era ‘tudei’ ga na ibulibuli vakayago ni vakavoui ira tiko na Kalou. (Same 148:⁠6) Ke sa muduka o Jiova na nona vakavoui ira tiko ga na ibulibuli vakayago, era na “madra kece talega mai . . . me vaka nai sulu.” (Same 102:26) Me vaka ni dede nona bula e dua na tamata ni vakatauvatani kei na nona isulu, e vakatale ga kina o Jiova ni vakatauvatani kei ira na nona ibulibuli​​—⁠ke vinakata me vaka kina. Ia, eda kila mai na so tale na tikinivolatabu ni sega ni inaki i Jiova oqori. E vakadeitaka vei keda na Vosa ni Kalou ni inaki i Jiova me na tudei na lomalagi kei na vuravura.​​—⁠Same 104:⁠5.

E ivurevure dina ni veivakacegui noda kila ni na bula tu ga o Jiova me vakayacora nona vosa ni yalayala kece. Se mani rarawa cava eda na rairai sotava, nida tagi vua, eda nuidei ni na “goleva na nodra masu na luveniyali, ka na sega ni beca na nodra masu.” (Same 102:17) Io, na nona vosa ni yalayala ni veitokoni o Jiova e kune ena Same 102 e dei sara ni vakatauvatani kei na vuravura eda bula tu kina.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta