Railesuvi ni Koronivuli ni Vuli iTalatala Liutaki Vakalou
Na railesuvi ni veivakamacala mai na Koronivuli ni Vuli iTalatala Liutaki Vakalou ena macawa ni 3 Janueri ina 17 Epereli, 2000. Vakayagataka e dua na drauniveva mo vola kina na isaunitaro kece o rawa ni sauma ena loma ni gauna yalataki.
[Nanuma matua: Ena gauna ni railesuvi, me vakayagataki ga na iVolatabu me saumi kina na taro. Era volai na idusidusi kece mera vukei iko ena nomu vakadidike ga vakataki iko. Era na rairai sega ni volai na taqana kei na naba ni parakaravu ena idusidusi mai Na Vale ni Vakatawa.]
Sauma na taro oqo ena Dina se Lasu:
1. Ena so na gauna ena vinakati meda waraka ga na nona veivakalougatataki o Jiova ni kila o koya na veika eda vinakata, ena solia tale ga na ka eda vinakata ena gauna e yaga kina vei keda. (Same 145:16; Jeme. 1:17) [w-FN 1/1/98 tq. 23 par. 6]
2. E dina ni a tiko ena kedra maliwa na Isireli na kato ni veiyalayalati, ia a sega ni vakatau vakatabakidua kina na nodra vakalougatataki. Na nona veivakalougatataki o Jiova a vakatau mai na vinaka ni kedra ituvaki vakayalo, kei na nodra talairawarawa o ira e nuitaki vei ira na kato ni veiyalayalati. (Josua, wase 7) [Wili iVolatabu vakamacawa; raica it-1 tq. 167 par. 2.]
3. Edaidai, sa rawa nida bulabula vakayalo mai na noda wilika wale ga na Vosa i Jiova. (Vkru. 8:3) [Wili iVolatabu vakamacawa; raica w-E 6/15/85 tq. 17 par. 15, 17.]
4. Na ivakavuvuli ena Lawa i Mosese e cavuti ena Vakarua 23:20 e dusia ni sega ni ka vakayalololoma vua na lotu Vakarisito me lavaka na tubu ena ilavo e dinautaki vua. [Wili iVolatabu vakamacawa; raica it-1 tq. 1212 par. 5-6; it-2 tq. 259 par. 12; w-E 10/15/86 tq. 12 par. 9.]
5. Erau yavutaka o Josua kei Kelepi na nodrau itukutuku veivakauqeti ena nodrau kila nira na kaukaua, ra gu tale ga na Isireli mera kua ni laiva e dua na ka me na vakalatilati vei ira ena nodra na taukena na Vanua Yalataki. (Tiko 13:30) [w-FN 2/1/98 tq. 5 par. 4]
6. Ena nona cavuta o Paula “na i solisoli” ena 1 Timoci, a vakadreti Timoci tiko me nanuma na nona a lumuti ena yalo tabu, kei na icovi vakalomalagi e waraki koya tu. (1 Tim. 4:14, VV) [w-FN 2/15/98 tq. 25 par. 1]
7. E sega ni laurai ena ivola i Josua e dua na itukutuku yaga me baleta na dewa ni iyatukawa e qai cadra kina na Kawa ni Matanitu ni Kalou. [si tq. 46 par. 24]
8. E laurai ena ivola na Dauveilewai na kedra itukutuku na turaga a digitaki ira na matanitu o Isireli mera veiliutaki ni bera na nodra gauna na tui. [si tq. 46 par. 2]
9. Na kerekere i Kitioni e kune ena Dauveilewai 6:37-39, e vakaraitaka na nona ririko kei na nona rivarivabi. [Wili iVolatabu vakamacawa; raica w-E 4/1/88 tq. 30 par. 6.]
10. Ena nona vakasalataki iratou na nona tisaipeli o Jisu me ratou ‘kakua ni mokota e dua ena nodratou veikidavaki kaya e gaunisala,’ a vakabibitaka tiko vei iratou ni cakacaka vakavunau e vakatotolotaki, me ratou vakamua kece na nodratou igu ina ilesilesi bibi oqo. (Luke 10:4, NW) [w-FN 3/1/98 tq. 30 par. 5]
Sauma na taro era koto oqo:
11. Na cava e bibi kina me tiko ena lomadra na itubutubu na vosa i Jiova? (Vkru. 6:5, 6) [Wili iVolatabu vakamacawa; raica w-FN 6/1/98 tq. 20 par. 4.]
12. Ena rawa ni muria vakacava na ivakavuvuli ni Vakarua 11:18, 19 e dua na ulunivuvale? [Wili iVolatabu vakamacawa; raica fy tq. 70 par. 14.]
13. Na cava e vakaraitaka na iVolatabu me vakadeitaka ni sa rairai dede toka na nona tiko voli o Onesimo, na dauveiqaravi a dro tu, kei koya na yapositolo o Paula ena gauna e volavola kina vei Filimoni o Paula? [w-FN 1/15/98 tq. 30 par. 2]
14. Nida raica ni caka vakatawadodonu na ka, se caka vakatawadodonu vei keda na ka, na cava meda cakava me kua kina nida yalolailai? [w-FN 2/1/98 tq. 6 par. 2-3]
15. Erau vakaraitaka vakacava o Josua kei Kitioni ni bibi vei rau na lawa ni Kalou? (Vkru. 20:8, 15-18) [si tq. 41 par. 32]
16. E tautauvata vakacava na veika e vakamacalataki ena Josua 10:10-14 kei na veika e namaki ni na rawa ni yaco ena Amaketoni? [Wili iVolatabu vakamacawa; raica w-E 12/15/86 tq. 23 par. 12–tq. 24 par. 14.]
17. Tukuna e tolu na sala e yaga kina na veivakacaucautaki dina. (Vakatauvatana Vosa Vakaibalebale 15:23.) [w-FN 2/1/98 tq. 31 par. 5-6]
18. Me salavata kei na Josua 20:4, ena dro vakacava e dua ina koro ni idrodro ivakatakarakara? [Wili iVolatabu vakamacawa; raica w-E 12/15/86 tq. 24 par. 16.]
19. Na tago ni vosa cava ena Dauveilewai 5:31 e dusia ni nona qaqa o Dauveilewai Peraki vua na mataivalu kaukaua i Sisira ena uciwai o Kisoni e tiko na kena ibalebale vei keda edaidai? [Wili iVolatabu vakamacawa; raica w-E 2/15/86 tq. 21 par. 4.]
20. Eda vakaraitaka vakacava nida doka na ivakavuvuli e koto ena matavosa “a ra sa tu na tamata yadua e na nona tikina,” me vaka e volai ena Dauveilewai 7:21? [Wili iVolatabu vakamacawa; raica w-E 6/1/82 tq. 25 par. 17.]
Vakacuruma na vosa e yali tiko ena veiyatuvosa e ra:
21. Meda vakila vinaka sara na veivakalougatataki nei Jiova, sa dodonu meda ․․․․․․․․ da qai kerei Jiova me vukei keda meda ․․․․․․․․, da ․․․․․․․․ tale ga na ivakavuvuli ni nona Vosa uqeti. (1 Tim. 4:8, 9) [w-FN 1/1/98 tq. 24 par. 6]
22. E cata o Jiova na veicavilaki, e baleta ni caka ena dela ni ․․․․․․․․, e ivalavala ni ․․․․․․․․, ia na ka e bibi duadua oya ni sega ni ka ․․․․․․․․. [w-FN 2/1/98 tq. 30 par. 2-3]
23. Na yaca na Josua e kena ibalebale, “․․․․․․․․,” e dusi ․․․․․․․․ vakaparofisai. [si tq. 42 par. 5]
24. Me salavata kei na vosa vakatautauvata i Jisu ena Maciu 7:24-27, o ira na itubutubu vuku era na vukei ira na luvedra mera valuta na idre ni itovo dukadukali ena nodra vukei ira me tiko vei ira na ․․․․․․․․ me rawa nira ․․․․․․․․ kina. [w-FN 2/15/98 tq. 9 par. 1]
25. Na itukutuku makawa ena ivola na Dauveilewai e kovuta na itabagauna e tekivu mai na gauna e mate kina o ․․․․․․․․, me yaco sara ina gauna i ․․․․․․․․, rauta ni ․․․․․․․․ taucoko na yabaki. [si tq. 47 par. 5]
Digia na isau dodonu ni taro ena veiyatuvosa oqo:
26. Na nomu wasewasea rawa se sega na nomu iyau ni o se bera ni mate, e (vakatau ina ivavakoso; vakatau sara ga vei iko; lavaki mera cakava oqo na lotu Vakarisito dina). (Kala. 6:5) [w-FN 1/15/98 tq. 19 par. 6]
27. E uqeti Filimoni o Paula me ciqomi (Onama; Onesiforo; Onesimo) ena loloma, ia e sega ga ni vakayagataka na nona itutu vakayapositolo me vakasaurarataki koya me cakava vaka kina, se me tukuna kina me sereka na nona dauveiqaravi. (Fmon. 21) [w-FN 1/15/98 tq. 31 par. 1]
28. E laurai ni nodratou leqa levu na vukavuka a vakabulai iratou o Jisu oya (ni sega vei iratou na vakabauta; eratou talaidredre; eratou sega ni vakavinavinaka). (Luke 17:11-19) [w-FN 2/15/98 tq. 5 par. 1]
29. Ni a vakadonuya na Kalou na ka a cakava o Reapi, e kena ibalebale ni vosa a tauca vei ira na tagane ni Jeriko era a vakasaqarai rau tiko yani na yamata ni Isireli e vakaraitaka ni (lewa ga na tamata yadua na nona via lasu se sega; sega ni noda itavi meda vakasavuya na dina ni dua na itukutuku vua e dua e sega ni dodonu me rogoca; se bera ni veisautaka taucoko na nona itovo vakavuravura). (Josua 2:3-5; vakatauvatana Roma 14:4.) [Wili iVolatabu vakamacawa; raica w-E 12/15/93 tq. 25 par. 1.]
30. Me vaka e volai ena Joni 13:5, e ka ni vuli na ka e cakava oya o Jisu, e vakabibitaki kina na (yalololoma; dau veinanumi; yalomalumalumu), oqo ena vakarawarawataka kina vua e dua me qaravi ira na tani, me cakava sara mada ga na cakacaka era dau beci tu. [w-FN 3/15/98 tq. 7 par. 6]
Biuti ira vata na tikinivolatabu me veisotari kei na iyatuvosa:
Vkru. 7:3, 4; 17:7; 25:11, 12; 28:3; Jere. 15:20
31. E ka dokai vua na Dauveibuli na gacagaca ni vakatubukawa, e dodonu gona me cakayaco oqo ena nona vakatulewa na lotu Vakarisito se mataqali itatarovi ni vakaluveni cava me vakayagataka. [Wili iVolatabu vakamacawa; raica w-FN 6/15/99 tq. 28 par. 1-4.]
32. Eda nuidei ni na tokoni keda o Jiova meda vakaotia vinaka kina na noda ilesilesi, oya meda vunautaka na itukutuku vinaka ni Matanitu ni Kalou. [w-FN 3/1/98 tq. 27 par. 6]
33. Nida muria na veivakadreti ni iVolatabu, eda na sega ni sotava kina na rarawa e dau yaco vua e dua na lotu Vakarisito ke lai vakawatitaka e dua e sega ni tiko ena dina. [Wili iVolatabu vakamacawa; raica w-E 11/1/89 tq. 20 par. 11.]
34. E sega ni vakatau na nona vakalougatataki keda na Kalou ena vanua eda vakaitikotiko kina, vanua eda veiqaravi kina, se na itavi vakalou cava eda vakayacora. [Wili iVolatabu vakamacawa; raica w-FN 6/15/96 tq. 15 par. 15.]
35. A lavelave mai na Lawa i Jiova o Paula me yavutaka kina na nona ivakaro ena 1 Korinica wase 5 me baleta na veivakasivoi. [Wili iVolatabu vakamacawa; raica si tq. 213 par. 24.]