iTuvatuva ni Soqoni ni Cakacaka
Macawa me Tekivu Ena 12 June
Sere 136
8 min: Veika me kacivaki kei na kena e digitaki mai na Noda Cakacaka Vakaitalatala ni Matanitu.
15 min: “Sa Sega ni Ka Walega na Nomudou Cakacaka.” Me kua ni sivia na dua na miniti na ikau ni vosa, veitarotarogi sara. Vakamacala tale ga ena ivakaraitaki e koto ena Vale ni Vakatawa, 15 June, 1996, taqana 32.
22 min: Tekivutaka na Vuli iVolatabu Ena Brochure na Loma ni Kalou. Me dua na vosa, me raici lesu na ulutaga ena Noda Cakacaka Vakaitalatala ni Matanitu, Janueri 1999, taqana 6. Me dua na vakatasuasua me vakaraitaka na iwalewale ni ivakamacala e koto ena parakaravu 6. Me kerei e dua se rua tale na dautukutuku me rau vakamacalataka vakalekaleka na ka erau rawata ena nodrau tekivutaka na vuli iVolatabu, na sala erau tauyavutaka kina, kei na ka erau cakava me vakayacori rawa tiko kina na vuli ena veimacawa.
Sere 209 kei na masu.
Macawa me Tekivu Ena 19 June
Sere 14
12 min: Veika me kacivaki. Ripote ni akaude, me kacivaki tale ga na macala ni kena dau dikevi vakavula tolu na akaude. Ke tiko ena ivavakoso e so na ilavelave ni ivola na Young People Ask se ivola na Youth, me vakatasuasuataki na sala e rawa ni vakayagataki vinaka kina ena cakacaka vakaitalatala.
8 min: Kato ni Taro. Me vosa e dua na qase.
25 min: “Au sa Rawata Vakaevei, Kevaka sa Sega e Dua me Tuberi Au?” Veitarotarogi, me taura na ivakatawa ni cakacaka. Me wiliki na parakaravu yadua, wiliki tale ga na tikinivolatabu ena parakaravu 3, 4, kei na 7. Ni kovuti na parakaravu 6, vakamacalataka ni nona itavi na ivakatawa ni cakacaka me vakalewa se dodonu se sega me vuli iVolatabu tale e dua sa papitaiso oti.—Raica na Kato ni Taro, Noda Cakacaka Vakaitalatala ni Matanitu, Noveba 1998.
Sere 89 kei na masu.
Macawa me Tekivu Ena 26 June
Sere 39
10 min: Veika me kacivaki. Tokaruataka vei ira na dautukutuku mera solia na nodra ivolatukutuku ni cakacaka ni vula o June. Veivosakitaka na ivola ena soli ena vula o Julai. Vakaraitaka na brochure era se tabaki e liu era tu ena ivavakoso, dusia na usutu yadua e tabaki kina. Me vakarautaki vinaka e dua na vakatasuasua me vakaraitaka na sala e rawa ni soli kina e dua vei ira na brochure oqo ena cakacaka vakaitalatala.
17 min: ‘Mo Lomasoli, Vakarau Tu Mo Vota Vei Ira na Tani na Ka.’ Veitarotarogi. Okata e va na “Vuna Eda Cau Kina” me vaka e vakamacalataki ena Vale ni Vakatawa, 1 Noveba, 1996, taqana 29-30.
18 min: Kila na Cava e Dodonu Mo Kaya. (Kolo. 4:6) Me dua na vosa, ra vakaitavi tale ga kina na vakarorogo. Na cava mo cakava ke o sotava e dua e kauta cake mai na vakasama e sega ni yavutaki ena iVolatabu? Ena vukei keda na ivola na Reasoning, ni vakaturi tu kina e so na iwalewale maqosa meda sauma kina vakamatau nona taro. Me kena ivakaraitaki, dina ga eda ciqoma ni o mate e keda meca, ena vakawabokotaki ena vuku ni isoro i Karisito, ia ena yasana kadua, e so era sega vakadua ni vakabauta ni na rawa ni vakaoti, oya na vuna era vakabauta kina na ivakavuvuli lasu ni bula ena lai dewa ina dua tale na bula (reincarnation). Veivosakitaka na ka e rawa nida kaya me vaka era koto ena ivola na Reasoning ena ulutaga “If Someone Says—” (Ke Dua e Kaya—) ena taqana 103-4 kei na 321. Uqeti ira kece mera dau tawana tu na ivola oqo nira lako ena cakacaka vakaitalatala. Me kua ni guilecavi ni taqana 9-24 ni ivola na Reasoning e sa vakadewataki tu vakaviti ena ivola lailai Na Sala me Tekivu Qai Tomani Kina na Veivosaki Ena iVolatabu.
Sere 44 kei na masu.
Macawa me Tekivu Ena 3 Julai
Sere 213
10 min: Veika me kacivaki. Kerei ira na dautukutuku era sa tekivutaka rawa na vuli iVolatabu ena brochure na Loma ni Kalou mera vakamacalataka na sala era cakava rawa kina oqo.
15 min: Veika e gadrevi ena ivavakoso.
20 min: Na Bulataki ni iVakavuvuli ni iVolatabu e Vaqaqacotaka na Bula Vakavuvale. Rau veivosakitaka e rua na tacida tagane, me yavutaki ena walu na tikina e kovuti ena ivola na Reasoning, taqana 253-4. Vakamacalataka na bibi ni nona vukei e dua e vuli iVolatabu me kila ni sala duadua me marau kina na vuvale oya na kena kilai, qai bulataki na ivakavuvuli ni Vosa ni Kalou. Me dua na vakatasuasua me vakaraitaka na sala e rawa ni vakayacori kina oqo ena kena vakayagataki na lesoni 8 ni brochure na Loma ni Kalou. Era na veivolekati na vuvale era muria na ivakasala ni iVolatabu, era marau vakalevu tale ga nira veilomani ra qai duavata. Vakamacalataka na ivakaraitaki e koto ena ivola na Vuvale, wase 13, parakaravu 1, 21-2.
Sere 51 kei na masu.