iTuvatuva ni Soqoni ni Cakacaka

ME NANUMI: Ena tuvanaki ena Noda Cakacaka Vakaitalatala ni Matanitu na ituvatuva ni Soqoni ni Cakacaka ni veimacawa ena vula ni soqo ni tikina. Mera lewa na ivavakoso na veiveisau e veiganiti me na vakayacori me vaka ni na caka tiko na Soqo ni Tikina na “Muria na Vosa ni Kalou.” Ke rawa, me taurivaki e 15 na miniti ena iotioti ni Soqoni ni Cakacaka ni bera na soqo ni tikina me railesuvi kina na ivakasala mai na itoma ni vula o Julai. Uqeti ira kece mera vakayagataka e vica na miniti mera raica kina na ituvatuva ni porokaramu ni bera ni tekivu na porokaramu ena mataka se ni oti na vakasigalevu, ra qai vakasamataka se cava ena veivosakitaki. Oqo ena vakarawarawataka na noda vakarorogo matua kei na noda vakavola e so na ka yaga. Ena loma ni rua ina va na macawa ni oti na soqo ni tikina, me qai railesuvi me 30 na miniti ena Soqoni ni Cakacaka na tikina bibi mai na soqo ni tikina. Ena gauna oya sa ra na tu vakarau kina na mataveitacini mera vakamacala vakalekaleka ena gauna e sureti ira kina o iratou na le tolu na mataveitacini e ganiti iratou me ratou taura na itavi oqo. E rawa ni vakamacalataka e dua na yaga ni ka e vulica mai na soqo ni tikina ni lai vakayacoka ena nona bula, vaka kina ena cakacaka vakaitalatala. Rawa tale ga ni tukuni e dua se rua na vakasavuirogorogo leleka erau sa vakarautaki oti tu. Noda vakavakarau vinaka kece e bibi duadua me marautaki qai veivakavulici kina na Soqoni ni Cakacaka oqo.

Macawa me Tekivu Ena 11 Sepiteba

Sere 139

10 min: Veika me kacivaki kei na kena e digitaki mai na Noda Cakacaka Vakaitalatala ni Matanitu.

15 min: “Eda Vutuniyau Ena Veivakalougatataki i Jiova.” Me kua ni sivia na dua na miniti na ikau ni vosa, veitarotarogi sara.​​—Raica na Insight, Volume 2, taqana 804, parakaravu 6-7.

20 min: “Tukuna na iTukutuku Butakatakata me Uqeta na Tataleitaki.” Mera vakaitavi tale ga kina na vakarorogo, me vica na vakatasuasua. Tukuna e so na itukutuku butakatakata ena noda vanua era kauai kina vakalevu na lewenivanua. E vakayacoka vakacava oqo ina nodra nanuma me baleta na gauna se bera mai? Ni o vakayagataka na ivola Na Sala me Tekivu Qai Tomani Kina na Veivosaki Ena iVolatabu, taqana 2, 4, vakatura e so na iwalewale e rawa ni vakarautaki kina na ikau ni vosa me na veivakamuai ina veitalanoa vakaivolatabu. Me rua na vakatasuasua e vakarautaki vinaka, qai yaga tale ga.

Sere 224 kei na masu.

Macawa me Tekivu Ena 18 Sepiteba

Sere 2

10 min: Veika me kacivaki. Ripote ni akaude.

15 min: Na Cava Eda Rawata Ena Yabaki sa Oti? Me vosa na ivakatawa ni cakacaka. Railesuvi na veika vakasakiti e rawati ena ripote ni ivavakoso ni yabaki vakacakacaka ni 2000. Vakavinavinakataka na cakacaka sa mai rawati. Tukuna na vanua e gadrevi me vakavinakataki. Vakabibitaka se vakacava na iwiliwili ni dau tiko ena soqoni, na tauyavu kei na veivakavulici ena iVolatabu, kei na wasoma ni cakacaka vakavunau. Lalawataka e so na isausau me caka ena yabaki mai oqo.

20 min: “Leqataki na Nodra Bula!” Ra vakaitavi tale ga kina na vakarorogo. Vakabibitaki na tikinivolatabu era toqai ena ulutaga oqo.

Sere 30 kei na masu.

Macawa me Tekivu Ena 25 Sepiteba

Sere 93

15 min: Veika me kacivaki. Vakadreti ira na dautukutuku mera biuta nodra ivolatukutuku ni cakacaka ni vula o Sepiteba. Veivosakitaka na Kato ni Taro.

15 min: Veika e gadrevi ena ivavakoso.

15 min: E Sega ni Madra Rawa na Noda iVoladraudrau. Na cava o dau cakava nira sa mai bini tu Na Vale ni Vakatawa kei na Yadra! makawa? Era nanuma e so na dautukutuku mera biuta laivi ni sa makawa na ka era volai tu kina. Ia, na Noda Cakacaka Vakaitalatala ni Matanitu, Sepiteba 1993, taqana 3, e uqeti keda meda dau tawana tale tu ga e so na ilavelave makawa ni ivoladraudrau meda solia ena ituvaki veiganiti. E rawa ni o vakayagataka e so na ulutaga yaga e ganiti ira na turaga, na marama, o ira na cakacaka vinaka, o ira na sa qase, kei ira na itabagone; vakarautaka mo solia na ivoladraudrau ena gauna veiganiti. Vakatasuasuataki na kena digitaki e dua na ulutaga kei na kena soli. Tukuna e so na nodra vakasavuirogorogo na dautukutuku ena vuavuaivinaka ni nodra solia na ivoladraudrau makawa.

Sere 115 kei na masu.

Macawa me Tekivu Ena 2 Okotova

Sere 169

15 min: Veika me kacivaki. Vakamacalataka ena ivavakoso na cakacaka lavotaki ni kena veisoliyaki na iTukutuku ni Matanitu Naba 36, ena tekivu tiko ena Moniti, 16 Okotova, me yaco ina Vakaraubuka, 17 Noveba. Uqeti ira kece, oka kina o ira na gone kei ira na ka vou, mera vakaitavi ena kena levu ga era rawata. Ena gauna oqo o ira na qasenivuli ni Vulivola mera sa tekivu tuvana qai uqeti ira na lewe ni nodra iwasewase lalai mera na vakaitavi sara kina vagumatua. Tukuna e so na vakasavuirogorogo veiuqeti mai na veisoliyaki ni iTukutuku ni Matanitu sa oti.

15 min: “E Dodonu Beka Meu Toki?” Me vosa e dua na qase. Vakamacalataka na vuna e dodonu kina meda rai vakayalomatua nida lalawataka tiko meda toki ina dua tale na vanua. Veivosakitaka se vakayagataki vakacava na ivakasala ena Vosa Vakaibalebale 22:⁠3. Okata kina na ivakasala ena Watchtower, 15 Okosita, 1988, taqana 22.

15 min: Vakasavuirogorogo e Rawati Ena iKau ni Vosa e Laulau. Na ituvatuva ni Soqoni ni Cakacaka ena macawa me tekivu ena 11 Sepiteba e vakaturi kina meda vakayagataka na itukutuku butakatakata me noda ikau ni vosa ena cakacaka vakaitalatala, ni oqo e uqeta na tataleitaki qai rawa ni tekivu kina na veitalanoa. Sureti ira na vakarorogo mera vakamacalataka na kena vuavuaivinaka na nodra vakayagataka na ka e vakaturi kina.

Sere 205 kei na masu.