iTuvatuva ni Soqoni ni Cakacaka
Macawa me Tekivu ena 12 Feperueri
Sere 6
10 min: Veika me kacivaki. Kena e digitaki mai na Noda Cakacaka Vakaitalatala ni Matanitu. Na vidio The Bible—Mankind’s Oldest Modern Book ena veivosakitaki ena Soqoni ni Cakacaka ena macawa ni 26 Feperueri. Ena yavutaki na veivosaki ena taro e tiko ena taqana 7 ena Noda Cakacaka Vakaitalatala ni Matanitu oqo.
15 min: “Vakarokorokotaki o Jiova Ena iValavala Vinaka.”a Okati kina na ivakamacala mai na ivola na Proclaimers, taqana 187, parakaravu 2-3.
20 min: “Na Sala me Veirawai Kina Noda Vosa.” Me rau veivosakitaka e dua na qasenivuli ni Vulivola ni iVavakoso kei na dua na painia se dua na dautukutuku gugumatua na ulutaga oqo kei na so na tikina e digitaki mai ena Vale ni Vakatawa, 15 Me, 1998, taqana 21-3. Veivosakitaka tale ga na kato ena taqana 23, “Rawa na Loma i Nomu Gonevuli.” Me rau digitaka e dua na ivakavuvuli lasu vakalotu era vakabauta e levu ena nodrau yalava, veivosakitaka na sala me vukei kina e dua me vakabauta na ka e tukuna na iVolatabu me baleta na ulutaga oya.
Sere 208 kei na masu.
Macawa me Tekivu ena 19 Feperueri
Sere 221
8 min: Veika me kacivaki. Ripote ni akaude.
15 min; Veika e gadrevi ena ivavakoso.
22 min: “Vakatakila na Yaca i Jiova Kei na Nona Cakacaka.”b Railesuva e dua na qase na ituvatuva sa tuvai tu ena ivavakoso me baleta na kena vakalevutaki na cakacaka ena Maji kei na Epereli, uqeti ira tale ga e levu mera painia veivuke. Mera vakamacalataka e so era a painia ena Epereli ni yabaki sa oti na marau era sotava kina. Vakabibitaki na nodra vukei o ira kece na dautukutuku mate era se yacova na kena ivakatagedegede mera tomani keda tale ena cakacaka vakavunau, vaka kina nodra vukei na gone kei na so tale na vuli iVolatabu mera dautukutuku bera ni papitaiso.—Raica na Kato ni Taro ni Noda Cakacaka Vakaitalatala ni Matanitu, Noveba 2000.
Sere 27 kei na masu.
Macawa me Tekivu ena 26 Feperueri
Sere 48
8 min: Veika me kacivaki. Vakadreti ira kece na dautukutuku mera solia na nodra ivolatukutuku ni cakacaka vakavunau ni Feperueri.
12 min: Vakaturi na iWalewale ni Kena Soli na iVola na Kila. O kila tiko e dua na iwalewale ni kena soli na ivola na Kila ena Maji? Ke o raica e levu na daku ni Noda Cakacaka Vakaitalatala ni Matanitu, o na kunea kina na iwalewale e vakaturi o rawa ni vakayagataka ena imatai ni nomu veisiko, qai levu e dau veimuri tale toka ga kei na iwalewale o rawa ni vakayagataka ni o veisikovi lesu. Railesuva e rua se tolu na kena iwalewale. (Tiseba 1995; Maji, June, Noveba 1996; June 1997; Maji 1998) Vakatasuasuataki e rua na iwalewale ni veisureti vakadodonu ina vuli iVolatabu e tiko ena itabataba ni Noveba 1996. Uqeti ira kece mera saga mera tekivutaka e so na vuli iVolatabu vou.
25 min: “Uqeta me Kilai na Yaga ni Vidio The Bible—Mankind’s Oldest Modern Book.” Veivosakitaka, ra vakaitavi tale ga kina na vakarorogo ena taro e tiko ena taqana 7. Vakabibitaka ni sa sivia na 100 na milioni na ilavelave ni New World Translation sa tabaki taucoko se tabaki vakatikina ena 37 na vosa, qai dua vei ira na ivakadewa ni iVolatabu veisoliyaki vakalevu duadua. Eda na veivosakitaka tiko ena Epereli na ikatolu vei iratou na vidio eratou vakarautaki vata me baleta na iVolatabu, e yacana The Bible—Its Power in Your Life.
Sere 64 kei na masu.
Macawa me Tekivu ena 5 Maji
Sere 81
5 min: Veika me kacivaki.
18 min: “Veivakaukauataki o Jiova.”c Uqeti ira na vakarorogo mera vakamacalataka na vakayagataki ni kena veitikinivolatabu.
22 min: “Laulau na Vunau Ena Talevoni.”d Vosa na ivakatawa ni cakacaka. Ena rairai sega ni ganita kece na yalava e Viti na ulutaga oqo. Ke sega ni ganita na nomudou yalava, me qai vakamacalataka ga vakalekaleka na qase na ka e vakabibitaki ena ulutaga oqo, na vo ni gauna me vakayagataki ena veika e gadrevi ena ivavakoso. Ia, ena koro vakavalagi, e dau caka kina e so na vunau ena talevoni. Okata kina na veivakayaloqaqataki ena Vale ni Vakatawa, 15 Tiseba, 1999, taqana 23, parakaravu 17. Ke tiko e so na vakasavuirogorogo ena kena vakayacoka na vunau ena talevoni, me qai tukuni.
Sere 108 kei na masu.
[iVakamacala e ra]
a Me kua ni sivia na dua na miniti na ikau ni vosa, veitarotarogi sara.
b Me kua ni sivia na dua na miniti na ikau ni vosa, veitarotarogi sara.
c Me kua ni sivia na dua na miniti na ikau ni vosa, veitarotarogi sara.
d Me kua ni sivia na dua na miniti na ikau ni vosa, veitarotarogi sara.