iTuvatuva ni Soqoni ni Cakacaka

Macawa me Tekivu ena 8 Okotova

Sere 109

10 min: Veika me kacivaki. Kena e digitaki mai na Noda Cakacaka Vakaitalatala ni Matanitu. Uqeti ira kece mera sarava na vidio United by Divine Teaching ena nodra vakavakarau ena kena veivosakitaki ena Soqoni ni Cakacaka ni macawa me tekivu ena 22 Okotova. Ni vakayagataki na ka e vakaturi ena taqana 8, me rua na ivakatasuasua lekaleka me vakaraitaka na soli ni ivoladraudrau, me dua me soli kina Na Vale ni Vakatawa, 15 Okotova, na kena ikarua me soli kina na Yadra!, Okotova-Tiseba.

35 min: “Tou Mai Lako ki na Vale i Jiova.” Me caka na veitarotarogi ena parakaravu 1-5. Veivosakitaka vakalekaleka e so na tikina bibi mai na ivola e rua erau cavuti ena parakaravu 4. Me vakatasuasuataka e dua na dautukutuku matua na nona vukea e dua na tataleitaki me kila na vuna eda cokonaki kina vakaivavakoso. (w84 11/1 tq. 15 par. 6, 7) Vakamacalataka na duidui e tiko ena sala e vakayacori kina na noda soqoni, ni vakatauvatani kei na ivalavala ni lotu ni Veivanua Vakarisito. Uqeti ira era vakayaco vuli iVolatabu mera dau okata ena vuli e veimacawa e dua na ivakamacala lekaleka me vukea na gonevuli me taleitaka kina na isoqosoqo, me raica rawa tale ga ni vinakati vua me mai lewena.

Sere 151 kei na masu.

Macawa me Tekivu ena 15 Okotova

Sere 113

10 min: Veika me kacivaki. Ripote ni akaude.

15 min: E Tiko Vei Iko “na Yalo Talairawarawa”? (1 Tui 3:9) Me vosa e dua na qase, me yavutaki ena Vale ni Vakatawa, 15 Julai, 1998, taqana 29-31. Veivosakitaka na sala e so eda vakaraitaka kina nida talairawarawa ena noda cakacaka vata tiko kei na ivavakoso.

20 min Vakayagataka Vinaka na Noda iVoladraudrau. Me rau veivosakitaka na ivakatawa ni cakacaka kei na tacida e qarava na ivoladraudrau na leqa e tiko me baleta na veisoliyaki ni ivoladraudrau ena ivavakoso. Rau tukuna na iwiliwili ni ivoladraudrau e dau vakau mai ina ivavakoso ena veivula me vakatauvatani kei na iwiliwili e volatukutukutaki nida veisoliyaka. Kena irairai ni dua na iwiliwili vinaka e sega ni veisoliyaki, se so era kolotaki laivi. Mera vakayagataka vinaka vakacava na dautukutuku na noda ivoladraudrau? Rau veivosakitaka tale ga na tacida tagane oqo na vitu na tikina e koto ena ulutaga “Kauaitaka na iVoladraudrau!” ni Soqoni ni Cakacaka ni macawa ni 4 Okotova, 1999. Rau kauta cake tale ga mai na vakasavuirogorogo e koto ena Vale ni Vakatawa, 15 Feperueri, 1998, taqana 28-9, kei na sala e rawa ni vakamuri kina ena noda dui yalava. Eda sureti kece meda tovolea na iwalewale ni soli ivoladraudrau e sa dau lewe tiko ni Noda Cakacaka Vakaitalatala ni Matanitu.

Sere 156 kei na masu.

Macawa me Tekivu ena 22 Okotova

Sere 120

10 min: Veika me kacivaki. Me dua na vakatasuasua, me muri na ka e vakaturi ena taqana 8 me baleta na iwalewale ni soli ivoladraudrau. Me taurivaki kina Na Vale ni Vakatawa, 1 Noveba.

20 min: O na Sauma Vakacava? Vakamacalataka vakalekaleka na ivola na Reasoning, taqana 204-5, e koto kina na isau matata ni taro, “How do Jehovah’s Witnesses arrive at their explanation of the Bible?” (Era yavutaka ena cava na iVakadinadina i Jiova na nodra ivakamacala me baleta na iVolatabu?) Me vakarautaki vinaka e dua na vakatasuasua me laurai kina na sala me saumi kina na taro oqo ena veisikovi lesu, qai sureti vakayalololoma o itaukeinivale ina soqoni ni ivavakoso.

25 min: “Saravi Noda Duavata Vakamataveitacini Ena Vidio​​—⁠United by Divine Teaching.” Ra vakaitavi tale ga na vakarorogo. Dolava na ivakamacala ni vakayagataki na imatai ni parakaravu qai vakayagataka na otioti ni parakaravu me tini kina. Me tarogi yadua na taro vakarautaki me bulabula kina na veivosakitaki ni vidio. Ke so ena ivavakoso era sa tiko oti ena so na soqo lelevu ni tikina mai vanuatani, kerea mera vakamacalataka na nodra nanuma ena nodra vakadinadinataka ni sega wale ga nida roboti vuravura, ia e kune tale ga na duavata ena isoqosoqo. Ke sega, me qai vakamacalataki e so na vakasavuirogorogo mai na 1994 Yearbook, taqana 7-9, kei na 1995 Yearbook, taqana 8-​11. Ena veivosakitaki ena Tiseba na vidio, To the Ends of the Earth.

Sere 47 kei na masu.

Macawa me Tekivu ena 29 Okotova

Sere 164

12 min: Veika me kacivaki. Vakadreti ira na dautukutuku mera solia na nodra ivolatukutuku ni cakacaka ni Okotova. Ena soli tiko ena Noveba na brochure na Loma ni Kalou kei na ivola na Kila. Me vakatasuasuataki na iwalewale ni vunau lekaleka oqo: “Sa taqei dredre dina na bula ena gauna oqo ena tadre ni bula vakailavo. Oni nanuma ni dua na matanitu vakatamata ena walia rawa na leqa oqo ena sala me vinaka vei keda yadua? [Waraka me sauma.] E uqeti au dina na vosa ni yalayala oqo ena iVolatabu.” Wilika na Same 72:​12-​14. Solia na brochure na Loma ni Kalou se na ivola na Kila, kauta cake mai e dua na tikina e veiganiti mai na ivola me salavata kei na vakasama sa cavuti oti.

15 min: Veika e gadrevi ena ivavakoso.

18 min: “O Dau Kana Vinaka Beka Vakayalo?”a Sureta e so na ikuri ni nodra ivakamacala na vakarorogo me yavutaki ena Vale ni Vakatawa, 15 Epereli, 1997, taqana 28-31, mera vakamacalataka na vuna, kei na sala meda sasaga kina vagumatua meda kana vinaka tiko ga vakayalo.

Sere 181 kei na masu.

Macawa me Tekivu ena 5 Noveba

Sere 167

10 min: Veika me kacivaki.

18 min: Vakavakarau Vakavuvale Ina Soqoni. Me veivosaki e dua na tama kei na nona vuvale ena sala me ratou vakavakarau kina me rawa ni ratou vakaitavi yadua ena soqoni. Me vakayagataki na vakatutu ni Vale ni Vakatawa, 1 Julai, 1999, taqana 19-20, parakaravu 9, ena nodratou vakarautaka vakavuvale na nodratou dui ivakamacala ni Vuli Vale ni Vakatawa ni macawa oqo. (1) Ratou dui digitaka na lewenivuvale yadua e dua se rua na taro me ratou na sauma. (2) Ni oti nodratou veivosakitaka, ratou saga me ratou na biuta na nodratou ivakamacala ena nodratou vosa ga. (3) Me ratou wilika na tikinivolatabu bibi kece e sega ni lavetaki, me ratou vakasamataka se salavata vakacava kei na ulutaga, ratou qai tuvana rawa na ka me ratou na kaya ena kena ivakavakayagataki na tikinivolatabu ina vakasama e vulici tiko. Eratou nanamaki kece me ratou na vakaitavi ena soqoni.

17 min: “Na Cava e Kena iNaki?”b Vakabibitaka na vuna mera vukei kina na gonevuli mera raica ni yaga na tiko ena soqoni ni ivavakoso. Me dua na kena vakatasuasua vakarautaki vinaka me vakaraitaka na sala e rawa ni caka kina oqo, ena kena taurivaki na ivola na Kila, wase 17, parakaravu 6-8.

Sere 186 kei na masu.

[iVakamacala e ra]