Vunau ina iYalayala kei Vuravura

O cei ena rairai sarava vakavica vata na vidio To The Ends of the Earth? (Ina iYalayala kei Vuravura) O ira e nodra isausau mera daukaulotu. Baleta? Me rawa nira kila kina vakavinaka na Watchtower Bible School of Gilead. E vakarautaki na vidio oqo me baleta na ika50 ni yabaki ni koronivuli vakasakiti a tauyavutaki me vakatetea na cakacaka vakaitalatala ina “[i]yalayala kei vuravura.” (Same 22:27) Ena gauna eda sarava kina e rawa sara ga nida taleitaka vakalevu na cakacaka bibi ni kena vunautaki na itukutuku vinaka qai uqeti keda meda vakaitavi kina vakalevu. Vakasamataka mada oqo: (1) Na cava sara mada e kauaitaka vakalevu na isoqosoqo i Jiova ena veiyabaki ni 1940? (Caka. 1:8) (2) Ena 1942 na parofisai vakaivolatabu veivakurabuitaki cava e sa vakilai tiko mai, ia e duatani vakacava na veika eda namaka mai na veika era nanuma na lewe i vuravura? (Vkta. 17:18; w89 4/15 tq. 14 par. 12) (3) Na cava e sa navuci tu me vakayagataki vinaka kina na gauna ni tiko sautu e namaki tu ni oti na iKarua ni iValu Levu? (jv tq. 522 par. 1-2) (4) Na ivakatagedegede cava soti o qoroya vei ira na gonevuli ena imatai ni kalasi mai Kiliati? (5) Ena imatai ni 50  na yabaki ni koronivuli o Kiliati, e vica na gonevuli sa ra vuli oti kina, ra qai lesi ina vica vata na vanua? (6) E vakacava sara mada na nodra vakavulici ena iVolatabu na gonevuli? (7) E rawa vakacava me dua e daukaulotu, me qasenivuli vinaka ni Vosa ni Kalou? (8) Era vakacava sara tu mada na daukaulotu kei na veika dredre cava era rawa ni sotava? (9) Era raica vakacava na daukaulotu na ivakarau ni nodra bula, ia na marau cava era vakila nira vakuai ira? (10) Na cava era sa rawata e vica na udolu na daukaulotu me yacova mai oqo? Tukuna na kena ivakaraitaki. (11) Na cava beka na nomu rai me baleti ira na tacida vakayalo era lai vunau tu ina “[i]yalayala kei vuravura”? (12) Na cava e uqeti iko mo cakava ena nodra ivakaraitaki na daukaulotu, na cava o kaya kina oqori?