Veika me Kacivaki

◼ iVola me soli ena Maji: Yadra Tiko. Ke kauai dina o itaukeinivale, solia na ivola na Kila qai saga me tauyavu na vuli iVolatabu. Epereli kei na Me: Na Vale ni Vakatawa kei na Yadra! Ni o sikovi ira lesu na tataleitaki, okati kina o ira a tiko ena iVakananumi se dua na noda soqo vakarisito, ia era sega ni dau vakasosoqoni wasoma kei na ivavakoso, solia na ivola Qarava na Kalou Dina. Me nomu inaki mo tauyavutaka na vuli iVolatabu, vakabibi vei ira era sa vulica oti na ivola na Kila kei na brochure na Loma ni Kalou. June: Vuli Vua na Qasenivuli Levu. Ke ra kaya na itaukeinivale nira sega ni vagone, solia na brochure Loma ni Kalou, saga sara mo tekivuna kina na vuli iVolatabu.

◼ E dodonu me soli na itabataba vovou ni Vale ni Vakatawa kei na Yadra! vei ira na lewe ni ivavakoso ena gauna ga e yaco yani kina. Oqo ena rawa kina vei ira na dautukutuku mera kila na veika era tu kina ni bera nira veisoliyaka yani ena cakacaka vakavunau. Me soli vei ira na dautukutuku na Noda Cakacaka Vakaitalatala ena gauna ga e yaco yani kina. Oqo e rawa ni veisoliyaki ena Vulivola ni iVavakoso.

◼ Ni o gade ena dua tale na vanua o qai kila ni o na lai donuya na soqoni, soqo ni tabacakacaka, se soqo ni tikina ena vanua oya, mo taro ivakasala ina valenivolavola ni tabana e qarava na vanua o gade tiko kina me ratou tukuna vei iko na tikinisiga, gauna, kei na vanua ena caka kina na nodra soqoni. Na katonimeli ni valenivolavola ni tabana yadua e tiko ena iotioti ni drauniveva ni noda ivola ni yabaki kece (Yearbook).

◼ E itavi ni vunivola ni ivavakoso me raica me kua ni oti koso na fomu oqo: Application for Regular Pioneer Service (S-205), Application for Auxiliary Pioneer Service (S-205b). Me kerei na fomu oqo ena Literature Request Form (S-14). Me bau maroroi na fomu me veirauti ena loma ni dua na yabaki.

◼ Ena vakayacori na iVakananumi ena Lotulevu, 24 Maji, 2005. Ke dau soqoni na nomu ivavakoso ena Lotulevu, me qai tosoi na soqoni ena dua tale na siga e sega ni vakayagataki kina na Kingdom Hall. Ke sega ni rawa oqo qai vakaleqa na Soqoni ni Cakacaka, me qai vakacurumi ena dua tale na Soqoni ni Cakacaka na ulutaga e ganita na ivavakoso.

◼ E so na dautukutuku era taroga mai ena valenivolavola ni tabana e so na katokatoni ni Kingdom song e lagati ena so na ilagalaga e takalevu tu nikua, era veisoliyaka tiko e so na iVakadinadina i Jiova. Era taroga mai se sa vakadonuya na isoqosoqo na katokatoni oqo se sega. Keitou sa kila ni sa tiko e so na katokatoni oqo, keitou via vakamatatataka ga yani ni sega ni katokatoni ni isoqosoqo. Kerei ga mo ni kakua ni veisoliyaka tiko se lavetaka ena Internet na katokatoni oqori. Keitou nuitaka ni sa na saumi na nomuni vakatataro.