Na Brochure me Soli Vei Ira na Sega ni Lotu Vakarisito—Lasting Peace and Happiness​​—⁠How to Find Them

Ni o vunau vua e dua e lotu Buddha, rawa ni o kaya:

“E levu nikua era vuli vakaukaua mera vakalevutaka nodra vuku. Na cava beka oni nanuma, e sa levu tale beka ga na nodra marau kei na lomavakacegu e levu na tamata nikua? [Waraka me sauma.] E vakabibitaki ena iVolatabu ni vakavuna na marau e dua na mataqali kilaka, e vakatokai na vuku dina. [Wilika na Vosa Vakaibalebale 3:​21, 22.] E vakamacalataki ena iVolatabu ni vuku oqo e lako mai vua na Kalou, e rawa ni vakarautaki keda ina bula marau kei na lomavakacegu. E vakamacalataki ena brochure oqo e so na ivakasala momona ni vuku dina ena iVolatabu, e vakamacalataka tale ga ni buli keda na Dauveibuli me tawamudu noda marautaka na bula vakacegu e vuravura.” Solia sara na brochure.a​​—⁠km-FN 2/98 t. 5.

“Raica! Au sa Vakavouya na Ka Kecega”

E rawa ni o kaya vua e dua e lotu Buddha e sa qase:

“Oni rairai duavata kei au ena kena kauaitaki na levu ni vakasama torosobu e sa tu nikua, kei na kena tarai ira na luveda. Na cava sa qai tubu ga kina na itovo vakasisila ena kedra maliwa na gone? [Waraka me sauma.] Oni kila beka ni ka oqo e sa volai makawa tu ena dua na ivola ni bera mada ga ni tauyavu na lotu Musilimi, lotu Vakarisito, kei na lotu Idu? [Wilika na 2 Timoci 3:​1-3.] Dikevi ni yaco tu ga na veileqa oqo dina ga ni sa levu na vuku. [Wilika na tikina 7.] E uqeti au na brochure oqo meu kila na ka dina era se bera vakadua ni vulica e levu na tamata. Oni via wilika tale ga?”

Why Should We Worship God in Love and Truth?

Na iwalewale oqo e rawa ni yaga vua e dua na lotu Idu e vakavuvale:

“Au sikovi ira tiko mai na kauai ena ituvaki e sotavi tiko ena bula vakavuvale ena levu na vanua nikua. Cava oni nanuma ena vakaduavatataka na vuvale? [Waraka me sauma.] E so era kila na ka e kaya na ivola ni lotu ni Idu me baleta na bula vakavuvale, ia era se sega ga ni veidutaitaka kei na ka e kaya na iVolatabu me baleta na ulutaga oqo. Au na via wasea vei kemuni na vakasama oqo. [Wilika na Kolosa 3:​12-​14.] Na brochure oqo e dikeva na veivola ni lotu mai Idia kei na iVolatabu.” Solia na brochure, qai vakabibitaka na tabana 8-9 kei na 20-1.​​—⁠km-FN 9/99 t. 4.

Our Problems​​—⁠Who Will Help Us Solve Them?

Rawa mo kaya vua e dua na lotu Idu e se sega ni qase:

“E sega ni vakabekataki ni oni vakabauta na Kalou. Na cava oni nanuma e inaki ni Kalou vei keda? [Waraka me sauma. Wilika na Vakatekivu 1:​28.] E levu na yasa i vuravura sa sivia na lewenivanua era tiko kina qai levu kina na leqa. Oni nanuma ni na vinakata na Dauveibuli me vukei keda meda walia na noda leqa?” Waraka me sauma. Solia na brochure.​​—⁠km-FN 9/99 t. 4.

Rawa tale ga ni o kaya:

“Ena vuravura nikua, e so era vakila na dredre ni bula vakailavo, ia e so era sega so ni vakila na dredre ni bula. Oni nanuma ni rawa ni vinaka cake na bula ni kawatamata? [Waraka me sauma.] Au na wilika yani e dua na vosa ni yalayala oqo me baleta na ka ena cakava na Kalou vei ira na tamata. [Wilika na Same 145:16.] Ena vakayacora vakacava na Kalou na ka e yalataka oqo? [Waraka me sauma.] E vakamacalataki ena brochure oqo na nona nakita na Kalou me tauyavutaka e dua na matanitu ena kauaitaki ira na dravudravua, ena qaravi ira tale ga na gadreva tu na veivuke.” Vakamacalataka na tabana 20, parakaravu 2-3, solia sara na brochure. Lokuca na gauna mo lesuvi koya kina mo drau tomana na veivosaki.

The Guidance of God ​​—⁠Our Way to Paradise

Ni o vosa vua e dua e lotu Musilimi, e rawa ni o kaya:

“Au saga voli mai meu vosa vei kemuni na lotu Musilimi. Au kila ni oni vakabauta ni dua ga na Kalou dina, oni vakabauti ira tale ga na parofita kece. E dina beka oqori? [Waraka me sauma.] Au via tukuna vei kemuni e dua na parofisai makawa a yalataki kina ni na veisautaki na vuravura me parataisi. Au rawa ni wilika mada na ka a vola na parofita oya? [Waraka me sauma. Wilika na Aisea 11:​6-9.] Na ka e tukuna na parofisai oqo au lai nanuma sara kina na malanivosa e koto ena brochure oqo e lavetaki mai na Koran.” Cega na tabana 9, qai wilika na malanivosa e lavetaki ena matanivola kata. Ke tataleitaki, tomana nomudrau veivosakitaka na parakaravu 7-9 ena tabana 8.​​—⁠km-FN 11/99 t. 8.

[iVakamacala e ra]