Railesuvi Ni Koronivuli Ni Vuli Vunau
Ena veivosakitaki na taro era koto oqo ena Koronivuli ni Vuli Vunau ena macawa ni 26 Tiseba, 2005. Ena 30 na miniti nona railesuva na ivakatawa ni koronivuli na veika e kovuti ena macawa ni 7 Noveba ina 26 Tiseba, 2005. [Nanuma Matua: Ke sega ni volai e dua na ivola ena yasa ni taro, ena gadrevi mo lai vakekeli mo kunea kina na isaunitaro.—Raica na Vuli Vunau, t. 36-7.]
IVAKARAU NI VOSA
1. Na cava eda na cakava meda vakadeitaka kina ‘ni yavutaki ena loloma’ na noda veivakamasuti? (Fmon. 9) [be-FN t. 266]
2. Na cava meda cakava me lako vata kina kei “na i vakavuvuli dina” na noda veivakamasuti? (Taito 1:9, VV) [be-FN t. 266 p. 6–t. 267 p. 1]
3. Na cava e bibi kina me veivakayaloqaqataki na noda vunau? Eda na cakava vakacava? [be-FN t. 268 p. 1-3, kei na kato]
4. Nida vakadamurimuri Mosese, eda na vakaraitaka vakacava na veika e sa cakava o Jiova vei ira nona tamata meda veivakaukauataki kina? (Vkru. 3:28; 31:1-8) [be-FN t. 268 p. 5–t. 269 p. 2]
5. Ena uqeti ira vakacava na vakarorogo ke laurai vei keda nida marautaka na noda tukuna na ka sa cakava tiko o Jiova ena gauna oqo, vaka kina ena gauna se bera mai? [be-FN t. 270-1]
VOSA NB. 1
6. Na cava na Septuagint? Na cava mera kauaitaka kina na lotu Vakarisito? [si t. 307 p. 12–t. 310 p. 14]
7. O cei o ira na Masorete? Na ka vinaka cava era cautaka ena kena vakadewataki na iVolatabu? [si t. 310 p. 18; t. 311 p. 20-1]
8. Na ivakadewa cava a taurivaki me yavutaki kina na ivakadewa vakavalagi ni iVolatabu Vakaiperiu ena New World Translation? Na cava e rawa ni tukuni kina ni dodonu na ivakadewa oqo qai nuitaki? [si t. 312 p. 28, 30]
9. Era vakaraitaka vakacava na lotu Vakarisito taumada nodra gagadre mera vakasavuya ra qai tabaka na Vosa ni Kalou? [si t. 315 p. 1-5]
10. Na cava e laurai ena kena vakadikevi qai veidutaitaki na lewe ni ivolavivigi makawa ni iVolatabu kei na noda iVolatabu nikua? [si t. 320 p. 32]
WILI IVOLATABU VAKAMACAWA
11. A sega ni vakatarai me tara o Tevita na valenisoro, e vakaraitaka beka oya ni sega ni vakadonuya o Jiova na ivalu a vala kina o koya? (1 Vei. 22:6-10)
12. Nona masulaka o Solomoni na vakatabui ni valenisoro, e vakaraitaka vakacava o koya ni o Jiova e sega ni dau raica ga na ka era gadreva vakailawalawa na nona dauveiqaravi, ia e kauaitaka yadudua sara ga na kedra ituvaki na rerevaki koya? (2 Vei. 6:29, 30)
13. Na cava na “me tagane” e tukuni tiko ena 2 Veigauna 11:15?
14. A veiliutaki o Pasa ena “kenai katolu ni yabaki i Esa na tui” qai 24 ga na yabaki na dede ni nona veiliutaki. Ia, e sega li ni veicalati na itukutuku oqo baleta ni tukuni ni a “veivala kei ira na Juta” o Pasa ena “kenai katolusagavulu ka ono ni yabaki ni nona lewa ko Esa”? (1 Tui 15:33; 2 Vei. 16:1)
15. E vakaraitaka vakaivakatakarakara vakacava na 2 Veigauna 20:22, 23 na ka ena vakarau yaco ena vuravura i Setani?