iTuvatuva ni Macawa e Tekivu ena 9 Okotova

Macawa e Tekivu ena 9 Okotova

Sere 25

10 min: Veika me kacivaki kei na kena e digitaki ena Noda Cakacaka Vakaitalatala. Taurivaka na vakatutu ena tabana 8 se dua tale na vakatutu e ganita na yalava. Me vakatasuasuataki na soli ni Vale ni Vakatawa, 15 Okotova, kei na Yadra!, Okotova-Tiseba, me soli vata kei na tikidua na iTukutuku ni Matanitu Naba 37.

15 min: “Vukei Ira e So Tale Mera iTokani ni Kalou.”a Sureti ira na vakarorogo mera vakamacalataka na sala a vukei ira kina na nodra dau masu vagumatua, kei na nodra ivakaraitaki vinaka e so na tacida, me yaco sara kina mera yalataka nodra bula ra qai papitaiso.

20 min: Vakarautaki Iko ena Kena Veisoliyaki na Tikidua na iTukutuku ni Matanitu Naba 37. Me dua na vosa, ra vakaitavi tale ga na vakarorogo. Railesuva na cakacaka lavotaki oqo ena Noda Cakacaka Vakaitalatala ni vula o Sepiteba. Uqeti ira kece mera gumatua ni vakaitavi kina. Vakauqeti ira tale ga na dautukutuku era sa toso vinaka tiko vakayalo na nodra vuli iVolatabu, mera dikeva se sa ganiti ira na gonevuli oqo mera dautukutuku bera ni papitaiso, me rawa nira vakaitavi tale ga ena cakacaka lavotaki oqo. O ira tale ga na itubutubu sa toso vinaka tiko vakayalo na luvedra e rawa nira vakasamataka tale ga oqo. Veivosakitaka vakalekaleka na ivakatagedegede e gadrevi vei ira era yaco mera dautukutuku bera ni papitaiso ena ivola, iSoqosoqo e Cakava na Loma i Jiova, tabana 79-​81.

Sere 221 kei na masu.

Macawa e Tekivu ena 16 Okotova

Sere 84

10 min: Veika me kacivaki.

20 min: Me Yaga Nomu Tiko ena Vulivola ni iVavakoso. Me dua na vosa ra vakaitavi tale ga na vakarorogo, me yavutaki ena ivola iSoqosoqo e Cakava na Loma i Jiova, me tekivu mai na ulutaga lailai ena tabana 69 ina parakaravu 4 ni tabana 71.

15 min: “Na Cava O Dau Vakaliuca?”b Vakarautaki ratou rawa tu e vica na dautukutuku me ratou vakamacalataka na sala eratou veiveisautaka kina nodratou ituvatuva me rawa ni ratou vakaliuca na Matanitu ni Kalou, kei na veivakalougatataki eratou vakila kina.

Sere 172 kei na masu.

Macawa e Tekivu ena 23 Okotova

Sere 58

10 min: Veika me kacivaki. Wilika na ripote ni akaude kei na ivola e vakavinavinakataki kina na cau. Taurivaka na vakatutu ena tabana 8 se dua tale na vakatutu e ganita na yalava, me vakatasuasuataki kina na soli ni Vale ni Vakatawa, 1 Noveba, se na Yadra!, Okotova-Tiseba. Me vakayagataki ena dua vei rau na ivakatasuasua oqo na iulubale “Na cava ni lako tu ga mai kina e veigauna?”​​—⁠Raica na ivola lailai Na Sala me Tekivu Qai Tomani Kina na Veivosaki ena iVolatabu, tabana 12.

15 min: Veika e gadrevi ena ivavakoso.

20 min: “Me Yaga Vei Keda na Sota ena Cakacaka Vakavunau.”c Ni veivosakitaki na parakaravu 3, okata na ivakamacala ena Kato ni Taro ni Noda Cakacaka Vakaitalatala, Sepiteba 2001, tabana 3, parakaravu 4, me baleta na ka me caka ke sega ni tiko e dua na tacida tagane matua me liutaka na sota ni cakacaka vakavunau.

Sere 143 kei na masu.

Macawa e Tekivu ena 30 Okotova

Sere 207

10 min: Veika me kacivaki. Vakadreti ira na dautukutuku kece mera solia nodra ripote, mera vola tale ga ena daku ni ripote na levu ni tikidua ni iTukutuku ni Matanitu Naba 37 era solia rawa.

15 min: Au na Vunau Vakacava Vei Ira Keimami Vuli Vata? Me dua na vosa ra vakaitavi tale ga na vakarorogo, me yavutaki ena Yadra!, Julai-Sepiteba, 2002, tabana 10-​12. Kerei ira na itabagone mera tukuna e so na vakasavuirogorogo ni nodra vunau vei ira nodra icaba e koronivuli.

20 min: Vakasavuirogorogo ni Kena Soli na Tikidua na iTukutuku ni Matanitu Naba 37. Kerei ira na dautukutuku mera vakamacalataka na veika vivinaka era marautaka nira veisoliyaka na tikidua oqo. Tukuna na yalava e sa tarai oti, kei na ka e gadrevi me caka me tarai vakaoti kece kina na yalava me yacova na ika12 Noveba. Me vakatasuasuataki na vakayagataki ni ivola Kaya na iVolatabu ena veisikovi lesu. Vakadreti ira na dautukutuku era nanuma nira na sega ni solia rawa kece na nodra tikidua ni iTukutuku ni Matanitu Naba 37, mera vakasuka mai ni bera ni cava na cakacaka lavotaki oqo, me rawa ni soli vei ira e sa oti na nodra tikidua.

Sere 136 kei na masu.

Macawa e Tekivu ena 6 Noveba

Sere 146

10 min: Veika me kacivaki. Taurivaka na vakatutu ena tabana 3-4 ni Noda Cakacaka Vakaitalatala, Janueri 2005, se dua tale na vakatutu e ganita na yalava, me vakatasuasuataki kina na soli ni ivola Vuli Vua na Qasenivuli Levu, ni na veisoliyaki tiko me tekivu ena ika13 Noveba me yacova ni cava na vula. Ke levu na gauna, sureti ira na vakarorogo mera vakamacalataka na veika vivinaka era sotava nira solia na ivola oqo ena cakacaka vakavunau, se nira vulica vata vakavuvale.

15 min: Me Marautaki me Dokai Tale ga Nomu Siga ni Vakamau. Me vosa e dua na qase me yavutaki ena Vale ni Vakatawa, 15 Okotova, 2006, tabana 28-​31.

20 min: E Veivakacegui ni ‘Vunautaki na Vosa.’ Me dua na vosa ra vakaitavi tale ga na vakarorogo, me yavutaki ena Vale ni Vakatawa, 15 Janueri, 2002, tabana 8-9. Kerei ira na vakarorogo mera vakamacalataka na sala e veivakacegui kina vei ira na cakacaka vakavunau. De vinaka mo tukuna rawa vua e dua, se rua, me rau vakarautaka rawa tu na nodrau ivakamacala.

Sere 8 kei na masu.

[iVakamacala e ra]