Veika me Kacivaki

◼ iVola me soli ena Me: Vale ni Vakatawa kei na Yadra! Ni o sikovi ira lesu na tataleitaki, okati kina o ira na tiko ena iVakananumi se dua na noda soqoni vakarisito, ia era sega ni sosoqoni wasoma kei na ivavakoso, saga mo vulica vata kei ira na ivola Kaya na iVolatabu. June: Na Sala me Marau Kina na Vuvale. Julai kei na Okosita: Me soli e dua na brochure oqo e 32 na tabana: Ena Tawamudu na Bula Marau e Vuravura!, Na Yaca Vakalou ka na Tudei ga ka Sega ni Mudu, Na Matanitu ena Kauta Mai na Parataisi, “Raica! Au sa Vakavouya na Ka Kecega,” E Dodonu Li Mo Vakabauta na Tikovakalewetolu?, Ni Mate e Dua na Wekamu Voleka, kei na Yalodra na Mate​—⁠Vukei Keda se Vakaleqai Keda? Era Bula Dina?

◼ Na cau e volai ena jeke ena soqo ni tikina me baleta na cakacaka eda cakava tiko e vuravura raraba, vaka kina na jeke era vakau ina valenivolavola ni tabana, me volai kina na “Jehovah’s Witnesses of Fiji.” Na veika vakailavo ni isoqosoqo me vakau ga ena katonimeli: Jehovah’s Witnesses of Fiji, Katonimeli 23, Suva, Fiji.

◼ Mera railesuva na qase ni ivavakoso na ivola e volai yani vei ira ena 6 Julai, 2006, me baleta na ka me caka mera vakarautaki ira kina ena leqa tubukoso, me tu tale ga vei ira na nodra naba ni talevoni kei na nodra itikotiko na dautukutuku kece. Na dautukutuku era vakaitikotiko ena vanua e dau yaco kina vakalevu na waluvu se leqa tubukoso, mera solia vei ira na qase nodra naba ni talevoni se nodra itikotiko na wekadra se nodra itokani era tiko tani mai na vanua oya. Ena vinaka tale ga mera tukuna rawa na dautukutuku vei ira na nodra ivakatawa ni Vulivola ni iVavakoso nira lako vagade ena dua na vanua, lako vakabisinisi, ra curu e valenibula, se vanua cava tale era na lai tiko vakadede kina.