Kato ni Taro

◼ Na cava meda cakava me kua nida veivakasosataki ena soqoni? (Vkru. 31:⁠12)

Nida dokai Jiova kei na nona ituvatuva me baleta na soqoni, eda na yaco totolo yani da qai tu vakarau meda vakavulici vua. Ena veivuke vakalevu ke da dabe eliu, o ira na bera mai kei ira na vakaluveni lalai mera qai dabe emuri. Ni bera ni tekivu na soqoni, ena vinaka me porokaramutaki na mobail me kua ni veivakasosani. Ena lailai na veivakasosani ke da veinanumi kece ni caka tiko na soqoni.​​—⁠Dauv. 5:1; Fpai. 2:⁠4.

Nira tekivu lako mai na soqoni na tataleitaki, rairai ena vinakata e dua era veikilai vinaka ena ivavakoso mera dabe vata. Qo ena yaga vakalevu ke gadrevi mera vakavulici na luvedra na tataleitaki. Rairai ena vou vei ira vakavuvale na soqoni. Era na marautaka gona ke ra dabe voleka toka emuri me kua nira vakasosani kina na kena vo, ena rawarawa tale ga mera kauti luvedra i tuba ke gadrevi. (Vkai. 22:​6, 15) Mera kua ni lai dabe ena dua tale na rumu na vuvale era vakaluveni lalai, mera sa qai kosakosa ga kina na gone. Ke gadrevi me vakadodonutaki se vakacegui na gone ena ka e vinakata, ena vinaka me lai cakava qori e tuba na itubutubu, oti rau qai lesu tale i loma.

Era na saga na tacida era dauveivuke ena gauna ni soqoni me caka na ka kece me ganita na vale ni sokalou. Era na dusimaki ira na vuvale kei ira na bera yani ina nodra idabedabe. Qori era na cakava vakavuku ra qai lewa matau me kua ni veivakasosani. Ni yaco vakasauri e dua na ka e veivakasosani, era na vakatulewa vakayalomatua ena ka me caka. Era na veivuke vakayalololoma ke veivakasosani e dua na gone.

Eda rawa ni veitokonitaka kece me kua na veivakasosani ena soqoni, ni qori na gauna eda vulici Jiova kina kei na nona inaki me baleta na vuravura vou ni yalododonu kei na vakacegu.​​—⁠Iper. 10:​24, 25.