iTuvatuva ni Macawa e Tekivu ena 28 June
MACAWA E TEKIVU ENA 28 JUNE
□ Vuli iVolatabu ni iVavakoso:
cf wase 6 ¶19-25, kato ena t. 65
□ Koronivuli ni Vuli Vunau:
Wili iVolatabu: 1 Tui 3-6
Railesuvi ni Koronivuli ni Vuli Vunau
□ Soqoni ni Cakacaka:
5 min: Veika me kacivaki.
15 min: Vakarautaka na soli ni Vale ni Vakatawa kei na Yadra! ena Julai. Mera vakaitavi na vakarorogo. Railesuva vakalekaleka na lewe ni mekesini. Digia e rua se tolu na ulutaga qai sureti ira na vakarorogo mera vakatututaka na taro kei na tikinivolatabu e rawa ni vakayagataki. Me vakatasuasuataki na kena soli na mekesini ruarua. Dua tale na vakatasuasua me qai vakaraitaki kina na kena tauyavu na vuli iVolatabu ena veisikovi lesu.—Raica na km 8/07 t. 3.
15 min: Vakavulici ni se Gonedramidrami. Mera vakaitavi na vakarorogo. A kilai o Timoci ni dua na daukaulotu gugumatua, e maqosa tale ga. (Fpai. 2:20-22) Me rawa qori, a vakilai ni a yaga na nodrau veituberi vakayalo o tinana kei buna ni se gonedramidrami. (2 Tim. 1:5; 3:15) Qo eso na vakatutu e yavutaki vakaivolatabu ena yaga ena nodra vukei luvedra na itubutubu mera daukaulotu vinaka. (1) Kauti luvemu ina cakacaka vakaitalatala ena gauna totolo duadua e rawa; vakavulici koya me cakava na ka e lakovata kei na nona yabaki kei na ka e rawata. (Vkai. 22:6) (2) Mo ivakaraitaki vinaka ena nomu vakaliuca na cakacaka vakaitalatala. (Fpai. 1:9, 10) (3) Vukei luvemu ena gauna ni Sokalou Vakavuvale kei na gauna tale eso me taleitaka na cakacaka vakavunau me doka tale ga. (Vkru. 6:6, 7) (4) Me veiuqeti na ka o tukuna me baleta na cakacaka vakaitalatala, me laurai tale ga ena ka o cakava. (Fpai. 3:8; 4:8; 1 Tim. 1:12) (5) Dou vakaitavi wasoma vakavuvale ena cakacaka vakaitalatala, me nomudou ivakarau sara ga ni bula. (Caka. 5:41, 42) (6) Dou veimaliwai vakalevu kei ira era gugumatua ena cakacaka vakaitalatala. (Vkai. 13:20) Sureti ira na vakarorogo mera tukuna se ra veivuke vakacava na nodra itubutubu mera taleitaka kina na cakacaka vakavunau me laulau tale ga.