“Meu Wilika Vakacava na Noqu Aua ni Cakacaka Vakaitalatala?”

O bau taroga tale ga qori? E vakamacalataki eso na idusidusi ena ivola na iSoqosoqo, tabana e 86-87. E dau vakarautaki eso tale na idusidusi ena so na gauna, me vaka na Kato ni Taro ena Noda Cakacaka Vakaitalatala ni Seviteba 2008. Ni duidui na ituvaki, e sega kina ni vakamatailalaitaki na lawa me muri. E sega gona ni veiganiti mera vakarautaka eso tale na idusidusi na qase ni ivavakoso se dua tale.

Ke dua na lomatarotaro qai sega ni tabaki na kena idusidusi, meda taroga ga na dautukutuku yadua: Au vakayagataka na gauna oya ena cakacaka vakaitalatala? Seu vakayagataka ena dua tale na ka e sega ni lakovata kei na cakacaka vakaitalatala? Na ka eda vola ena noda ripote e veivula me vakamarautaki keda, me savasava tale ga kina na noda lewaeloma. (Caka. 23:1) Eda kauaitaka na levu ni aua eda vakayagataka, ia e bibi sara na noda vakayagataka vinaka na gauna nida gugumatua ena cakacaka vakaitalatala.—Iper. 6:11.