Railesuvi ni Koronivuli ni Vuli Vunau

Ena veivosakitaki na taro era koto qo ena Koronivuli ni Vuli Vunau ena macawa ni 26 Okosita, 2013. Sa volai tale tiko ga na tikinisiga ena veivosakitaki kina na tikinivolatabu, meda vakadidike rawa nida vakavakarau ena koronivuli e veimacawa.

1. Na lesoni bibi cava eda rawa ni vulica mai na nona vinakata o Tui Eroti me vakalagilagi mai vei ira na tamata? (Caka. 12:21-23) [1 Jul., w08 15/5 t. 32 para. 7]

2. Ena yaga vakacava vei ira na itabagone lotu vaKarisito na ivakaraitaki i Timoci? (Caka.16:1, 2) [8 Jul., w08 15/5 t. 32 para. 10]

3. Rau vukei Apolosa vakacava o Akuila kei Virisila ni oti nona “vosa ena doudou” ena valenilotu e Efeso? (Caka. 18:24-26) [15 Jul., w10 15/6 t. 11 para. 4]

4. Sala cava eda rawa ni vakayagataka kina na mataveilewai ke tarovi noda cakacaka vakavunau? (Caka. 25:10-12) [22 Jul., w07 15/12 t. 22 para. 8]

5. A vunau tiko ga vakacava o Paula ni vesu tu e Roma, eda na vakatotomuri koya vakacava? (Caka. 28:30, 31) [29 Jul., w12 15/1 t. 13 para. 20-21]

6. Na cava e tukuna kina na iVolatabu ni vakatanitaki qai velavela na veiyacovi vakamataqali vata? (Roma 1:26, 27) [5 Oks., g 4/12 t. 27 para. 7]

7. E rawa vakacava ni vosoti “nai valavala ca sa caka oti” ena nona “volia na bula ko Jisu Karisito” ena 33 S.K., dina ni se bera mada ga ni saumi? (Roma 3:24, 25) [5 Oks., w08 15/6 t. 29 para. 6]

8. Na isolisoli vakayalololoma cava e vakarautaka o Jiova ena gauna eda veilecayaki kina da qai sega ni kila na ka meda masulaka? (Roma 8:26, 27) [12 Oks., w08 15/6 t. 30 para. 10]

9. Na cava na ibalebale ni ivakasala “dolava na nomuni vale vei ira na vulagi”? (Roma 12:13, VV) [19 Oks., w09 15/10 t. 5-6 para. 12-13]

10. E rawa vakacava meda “tokara na Turaga ko Jisu Karisito” me vaka na nona ivakasala o Paula? (Roma 13:14, VV) [26 Oks., w05 1/1 t. 11-12 para. 20-21]