IYAU MAI NA VOSA NI KALOU | MACIU 14-15
Era Vakani e Levu ena Vukudra e Vica Ga
Ni bera na Lakosivia ena 32 G.V., a cakamana o Jisu, na kena duadua ga e volatukutukutaki ena va na Kosipeli.
Ena vuku ni cakamana qo, e tauyavutaka kina o Jisu e dua na ituvatuva e se muri tiko nikua.
E vakaroti ratou nona tisaipeli o Jisu me ratou vakani ira na ilala levu ena lima ga na madrai kei na rua na ika
E taura na madrai kei na ika o Jisu, ni masulaka oti e solia vei ratou nona tisaipeli, ratou qai veisoliyaka vei ira na ilala levu
E kurabuitaki ni vo tale na kakana. O Jisu e vakani ira na vica na udolu ni vakayagataka e vica ga na nona tisaipeli
E parofisaitaka o Jisu ni na vakarautaka ena iotioti ni veisiga qo e dua na ituvatuva me votai kina na “kakana” vakayalo “ena kena gauna donu.”—Mac 24:45
Ena 1919, e lesia o Jisu na “dauveiqaravi yalodina e vuku,” qo e dua na ilawalawa lailai lumuti me vakania na nona “lewenivuvale”
Ni vakayagataka na ilawalawa lailai qo, e muria kina o Jisu na ituvatuva ga a tekivuna ena imatai ni senitiuri
Au na vakaraitaka vakacava niu kila qai doka na ituvatuva e vakayagataka tiko o Jisu me veivakani kina vakayalo?