iDusidusi ni Soqoni ni Bula vaKarisito kei na Cakacaka Vakaitalatala
ME 4-10
Vakekeli ena Vosa ni Kalou
it-1 678
Itomi
(Itomi) [Damudamu], Ira na kai Itomi.
E dua tale na yaca e kilai kina o Iso, na isa ni drua nei Jekope. (Vte 36:1) E vakatokai kina ni volitaka nona itutu vakaulumatua me isosomi ni sitiu damudamu. (Vte 25:30-34) Na gauna mada ga e sucu kina e damudamu taucoko na yagona (Vte 25:25), e laurai tale ga na roka qori ena so na vanua e vakaitikotiko kina kei ira na nona kawa.
it-1 561-562
Dauveimaroroi
Ni tukuna e dua na ivakatawanisipi se manumanu ni na taqomaka se maroroya na qelenimanumanu, e vakaraitaka ni vakadonuya vakalawa me maroroi ira na manumanu qori. E vakadeitaka vua na kena itaukei ni na vakania, ena sega ni butakoci. Ke yaco e dua na ka ena sauma lesu se sosomitaka. Ia ena sega ni muri na lawa qori ke yaco na ka e sega ni lewa rawa, me vaka nodra basuraki vei ira na manumanu kila. Ena vinakati me solia vua na kena itaukei na ivakadinadina ni ka e yaco ya. Ni raica qori na kena itaukei, ena sega ni beitaki koya.
E dau caka tale ga qori ena ka e vauca na iyau kei na vuvale. Kena ivakaraitaki, o koya e ulumatua ena dau karoni ratou na vo ni tacina. Sa rauta me kauaitaki Josefa vakalevu na tuakana o Rupeni ena Vakatekivu 37:18-30, ni ratou via vakamatei koya na vo ni tacina. “E kaya: ‘Tou kua ni mokuti koya mate.’ . . . ‘Dou kua ni vakadavedra. . . . dou kua ga ni vakamavoataki koya.’ E nona inaki me vakabulai koya mai vei ratou, me rawa ni vakasukai koya vei tamana.” Ni raica o Rupeni ni sa yali o Josefa, dua na ka na nona lomaleqa mani “dresulaka na nona isulu” qai kaya: “Sa yali na gone! Ia o yau—na cava meu na cakava?” E kila o Rupeni ni na tarogi vua na nona yali o Josefa. Eratou bulia vaqaseqase na vo ni tacina na ivakadinadina me ratou kua ni beitaki, me nanumi ni vakamatei Josefa e dua na manumanu kila. Eratou tonia na nona isulu ena dra ni me. Oti eratou lai vakaraitaka sara qori vei Jekope na tamadratou, e turaganilewa tale ga. E sega kina ni beitaki Rupeni ena mate i Josefa.—Vte 37:31-33.
ME 11-17
Vakekeli ena Vosa ni Kalou
it-2 555
Onani
[Yavutaki ena vosa e kena ibalebale “kaukaua ni vakatubukawa; kaukaua levu”].
Qo na ikarua ni luvei Juta, vua na yalewa ni Kenani e luvei Sua. (Vte 38:2-4; 1Ve 2:3) E valavala ca o Eri na tuakai Onani mani vakamatei koya o Jiova, e sega ni dua na luvena. Oti e qai tukuni vei Onani me vakawatitaki nona daku o Tema. Ke dua na luvena tagane, ena sega ni wili vei Onani na gone qori, ena nei luvena na ivotavota ni ulumatua ni kawa i Eri; ia ke rau sega ni vakaluveni, ena nei Onani na ivotavota kece. Ni veiyacovi o Onani kei Tema, e “dau vakamaumautaka na nona wai ina qele.” E sega ni kena ibalebale qo ni a vakatavevele o Onani, ni tukuni ena iVolatabu ni “rau dau veiyacovi kei na wati tuakana” ia e vakamaumautaka na nona wai ena qele. Kena irairai ni dau nakita me kua ni solia vei Tema na nona wai, oya me kua ni bura e loma ni yago tabu i Tema. A sega ni vakaluveni o Onani. E vakamatei koya o Jiova ni talaidredre vei tamana, e kocokoco, e sega tale ga ni muria na ituvatuva ni Kalou me baleta na vakawati, sega ni vakatavevele.—Vte 38:6-10; 46:12; Tvl 26:19.
ME 25-31
IYAU MAI NA VOSA NI KALOU | VAKATEKIVU 42-43
“E Lewai Koya Vinaka Sara o Josefa”
it-2 108 ¶4
Josefa
Ni yaco qori, eratou nanuma na taci Josefa ni totogitaki ratou na Kalou ni ratou a volitaki koya me bobula. Ni ratou mai tu e mata i Josefa, eratou sega ni kilai koya, eratou veivosakitaka na nodratou cala. E rogoca o Josefa na ka eratou tukuna, e kila sara ni ratou sa veivutuni, dua na ka na nona luluvu, mani biubiu qai tabaka na tagi. Ni lesu yani e tukuna sara me vesu o Simioni me yacova ni ratou lesu yani na tuakana kei na tacidratou gone duadua.—Vte 42:21-24.
Vakekeli ena Vosa ni Kalou
it-2 795
Rupeni
E laurai eso na itovo vinaka i Rupeni ni vakamasuti ratou na ciwa na tacina me ratou biuti Josefa ena toevu sa maca tu, me ratou kua ga ni vakamatei koya. A nakita o Rupeni me lako lo yani me lai vakabulai Josefa mai na toevu ya. (Vte 37:18-30) Oti e sivia ni 20 na yabaki, ni ratou tukuna na veitacini qo ni nodratou totogitaki mai Ijipita e isau ni nodratou vakalolomataki Josefa, e tukuna vei ratou o Rupeni ni a sega ni vakaitavi ena nodratou bukivere. (Vte 42:9-14, 21, 22) Ni sega ni via soli Penijamini o Jekope me tomani ratou na tuakana ena ikarua ni ilakolako i Ijipta, e soli rau na luvena tagane o Rupeni me ivakadei ni veivosaki, ni kaya: “Keu sega ni kauti Penijamini lesu mai vei iko mo vakamatei rau na luvequ tagane.”—Vte 42:37.