Kilakila Mada

(Na tikinivolatabu era volai koto ena loma ni ikovu ena kunei kina na isaunitaro yadua kei na isaunitaro kece e tabaki ena taqana e 21. Ke oni via kila e so tale na ka, raica na ivola na “Insight on the Scriptures,” e tabaka na Watchtower Bible and Tract Society of New York, Inc.)

1. Na cava na iyalayala ni Vanua Yalataki ena vualiku kei na vanua cecere duadua ena yasayasa vakapalesitaina? (Josua 12:1)

2. Na itovo qoroi cava, e itovo i Jiova, e talei ena mata ni tamata, e sega ni ivakatakilakila ni malumalumu? (Same 18:35)

3. Era lewe vica na sotia ni Asiria e yavita na agilosi i Jiova ena dua ga na bogi? (2 Tui 19:35)

4. O cei e sova na waiwai isaulevu ena yava i Jisu qai solota ena drauniuluna? (Joni 12:3)

5. O cei na yacadrau na yalewa Iperiu dauveivakasucumi erau sega ni muria na ivakaro i Fero mera vakamatei na gonetagane lalai e qai vakalougatataki rau kei na nodrau vuvale o Jiova? (Lako Yani 1:15-21)

6. Na tui cava e Juta e vakatokai me dua vei ira na tui yalodina, e dina ga ni a vakayacora e so na cala ena loma ni 41 na yabaki ni nona veiliutaki? (1 Tui 15:14, 18)

7. Ena parofisai ni veivakatikori tale, na manumanu cava e tukuni ni na “kania na lolo ni sila me vaka na pulumokau”? (Aisea 65:25)

8. Na cava na vuna era yavolita kina na vale nei Loti na tagane ni Sotoma, me tekivu mai vei ira na gone me yaco vei ira na qase? (Vakatekivu 19:4, 5)

9. Me isau ni masu i Samuela, na cava e vakayagataka o Jiova mera veilecayaki kina na kai Filisitia, me rawa nira vakadrukai? (1 Samuela 17:9, 10)

10. Na cava e tukuna o Mosese vei Fero me rawa nira sereki kina na Isireli? (Lako Yani 5:1)

11. Na taba ni vunikau dauvua cava e dau vakayagataki vakalevu me ivakaraitaki ni sautu? (Raica na Aisea 17:6.)

12. Vei iratou na lima na ivola ena iVolatabu e vola o Joni, na ivola cava e volai e liu?

13. Ena vosa vakaibalebale, o cei na “isala talei vua na kena itaukei”? (Vosa Vakaibalebale 12:4, NW)

14. O cei na turaga yalosavu a sega ni vakadonuya me vakaicovitaki koya o Tui Tevita baleta ni sa 80 na nona yabaki? (2 Samuela 19:31-​36)

15. Na iwiliwili vakaivakatakarakara cava ni agilosi e tukuni ni vakamuai ira cala o Setani? (Vakatakila 12:4)

iSaunitaro

1. Na ulunivanua o Erimoni

2. Na yalomalua

3. 185,000

4. O Meri na taci Marica kei Lasarusa

5. O Sifira kei Pua

6. O Esa

7. Na laione

8. Era via kucuva na nona vulagi agilosi

9. Na kurukuru

10. E kerea mera lai vakacaboisoro vei Jiova ena vanualiwa

11. Na olive

12. Na Vakatakila

13. “Na yalewa yalomatua”

14. O Pasiliai na kai Kiliati mai Rokilimi

15. Na ikatolu