Kilakila Mada

(Na tikinivolatabu era volai koto ena loma ni ikovu ena kunei kina na isaunitaro yadua kei na isaunitaro kece e tabaki ena taqana e 28. Ke oni via kila e so tale na ka, raica na ivola na “Insight on the Scriptures,” e tabaka na Watchtower Bible and Tract Society of New York, Inc.)

1. Nira sa vakadrukai mai Ai na Isireli ni a beci na ivakaro ni Kalou me baleti Jeriko, mani sega ni dua e vakatutusa kina, a qai ceburaki vakacava o koya e vu ni leqa? (Josua 7:14-21)

2. Na cava e vakamatei Onani kina, na luve i Juta, o Jiova? (Vakatekivu 38:7-10)

3. O cei a cudruvi Ana, na marama yalododonu, ni a nanuma ni mateni? (1 Samuela 1:13, 14)

4. Na cava e kaya kina o Jisu ni na ‘bibi cake na kedra itotogi’ na daunilawa? (Luke 20:46, 47, VV)

5. O cei e vola na rua na ivola ni Veigauna? (Niemaia 12:26)

6. Dua na ka e taurivaki vakaivakatakarakara ena iVolatabu me dusia na igu levu se na kaukaua levu, na cava beka? (Jeremaia 32:17)

7. Na vosa cava e taurivaki ena iVolatabu me baleta na levu ni vanua erau na siviyarataka ena dua na siga e rua na bulumakau? (1 Samuela 14:14, NW)

8. E tiko ena yasayasa cava na vanua o Negeb? (Lako Yani 26:18, NW)

9. O cei vei iratou na luve i Noa era kawa mai kina na kai Ijipita, na kai Iciopea, kei ira na kai Kenani? (Vakatekivu 10:6)

10. A vakaoti ena vula o cei na valenisoro i Solomoni? (1 Tui 6:38)

11. Na kau cava e vakairogorogo ena gauna e ravuti ira kina na Filisitia o Tevita mai na vanua bucabuca o Refeimi? (2 Samuela 5:24, NW)

12. Na sala cava tale e veirawai kina na ikava ni dauvodoose ni Vakatakila? (Vakatakila 6:8)

13. Na cava e tukuni kina nira “tamata rogo” na Nefilimi? (Vakatekivu 6:4, NW)

14. Na cava e vakarota o Jiova mera raica rawa kina na itabatamata e muri na mana era kania ena vanualiwa na Isireli? (Lako Yani 16:32, 33)

15. Na cava a kila o Timoci ‘ni se gone, ena vakavukui koya me bula rawa kina’? (2 Timoci 3:15)

16. O cei e lai kauta mai na yago i Saula kei na yagodratou na luvena era vakaliliga tu na kai Filisitia ena bai kei Pecisani, qai buluti iratou vakavinaka? (1 Samuela 31:11-13)

17. E vei e kacivi iratou kina o Pita, Adriu, Jemesa, kei Joni, o Jisu me ratou muri koya? (Maciu 4:18-22)

18. A saumi ivakacavacava vua na tui Asiria cava o Mineemi, na tui Isireli, me kua kina ni kabai Isireli? (2 Tui 15:19)

iSaunitaro

1. Veilewaitaka na matanitu o Jiova, mera toro taumada yani vakamataqali, oti oya vakamatavuvale, vuvale, sa qai o Ekani

2. E talaidredre vua na tamana o Onani qai nanumi koya ga ena nona cakava na ka me kua ni vakawa kina na tuakana sa mate o Eri

3. Na bete levu o Ilai

4. Nira vinakata ga mera dokai, ra “kovea vakailawaki na nodra veivale na yada dravudravua,” ra qai lotu vakarairai ena nodra dau masu vakabalavu

5. O Esera

6. Na liga

7. “Na eka”

8. Na ceva

9. O Ame

10. O Puli

11. Na baka (bacca)

12. Ena “mate ca”

13. Nodra rogo oqo e sega ni nodra rogo ena mata ni Kalou, ia nodra rerevaki ga nira dau veivakasaurarataki

14. A vakasinaiti na bilo ena dua na omeri mana qai biu yani “e na mata i Jiova”

15. “Nai Vola tabu”

16. O ira na tagane qaqa mai Jepesi-kiliati

17. Ena baravi mai Kalili

18. O Puli (Tikilaci-pileseri III)