E Tara Sara ga Nona Bula

Vica na yabaki sa oti, a vola e dua na ivola e dua na gonetagane yabaki ciwa, o Savinien, a vakaitikotiko ena dua na tauni lailai mai Pennsylvania, e Mereke, me vakavinavinakataka kina na ivola, iTalanoa Mai na iVolatabu. E vakamacalataka o koya ni se qai wilika oti ga na ivola oqo, e levu tu kina na iyaloyalo ni tamata kei na veika a yaco ena gauna vakaivolatabu.

“Au nanuma,” e vola vei ira na tabaka na ivola, “mo ni tabaka tiko ga na ivola oqo me vukei keimami na gone, me vakataki au, me keimami kila kina e levu tale na ka me baleta na iVolatabu.

“Au vulica ni veika kece era volai tu ena iVolatabu era dina, a volai meda vuli kina, me rawa ni dua noda inuinui ena veigauna e se bera mai.

“Ena nomuni kauaitaki keimami na gone, oni vakarawarawataka na itukutuku oqo me keimami wilika rawa, au sa bau mai kila kina.”

Na cava o sa cakava mo uqeti luvemu kina me taleitaka na vulica na ka? O rawa ni kerea me dua na nomu ilavelave ni iTalanoa Mai na iVolatabu, e 256 na tabana qai tiko kina e 116 na kedra italanoa na tamata kei na veika a yaco ena gauna vakaivolatabu. Mo vakalewena ga na fomu e toka e ra, qai vakauta mai ena itikotiko e volai toka kina, se ena itikotiko veiganiti era koto ena tabana e 5.

□ Au kerea me dua na noqu ivola na iTalanoa Mai na iVolatabu.

□ Au kerea me dua e mai vakavulici au wale e vale ena iVolatabu.