Bula Vakaidewadewa se Buli?

Na Uro ni Babale

● Era se vaqaqa tiko ga na saenitisi me vicasagavulu na yabaki, se rawa vakacava me totolo nodra veitosoyaki na babale, oya me rauta ni 40 na kilomita ena dua na aua. Era qoroya tale ga e dua tale na mataqali babale, na Dall porpoises, e rauta na 56 na kilomita dua na aua na totolo ni nodra veitosoyaki. Na ka mada ga era kila rawa na sainitisi me baleta na babale, ni sega ni levu na kena masela. Ia e dua na ka vakasakiti e tiko ena kena uro, e vereverea, e tiko tale ga qo ena kuli ni tovuto, kei na so tale na mataqali manumanu ni waitui va qo.

Dikeva mada qo: E tukuna na New World Encyclopedia: “Na uro ni babale kei na so tale, e vavaku qai buli vakamatau mai na ilati ni kuli e tu kina e levu na sela uro.” Na uro qo e laurai kece ena yagodra, e “kabita vinaka tale ga na masela kece kei na sui. E cakava rawa qori na wa kaukaua era dau sema na masela kei na sui e vaka tu na lawalawa tali vakamaqosa qai wavokita na yago kece kei na uro.” Na lawalawa qo e buli mai na dua na mataqali wa lailai e wadrega kei na collagen, qo e dua na mataqali protein e tiko tale ga ena kuli kei na sui. Ia e levu cake na uro ni manumanu qo mai na ilati e dau taqomaka na uro. E vakasakiti dina na nodra cakacaka vata na ilati ni kuli kece qori.

E rawa gona vakacava me vukea na totolo ni nodra veitosoyaki na babale kei na so tale, na kedra uro? Dua oya ni uro qo e vakavuna me bulicaki vinaka kina na yago ni manumanu qo, me rawa ni veitosoyaki vakatotolo. Dua tale oya na uro e tiko e buidra kei na kedra tukitukitoa, e tiko kina e levu na mataqali wa lalai e wadrega kei na collagen, era veicurumaki tu me vaka na rairai ni lawalawa​—e vaka tu na bulibuli ni sivirigi wadrega qai maroroi vakalevu kina na nodra igu. Na gauna e moica kina na masela na bui ni babale me gole ena dua na yasana, na kena uro, e vaka tiko na sivirigi ena dreta lesu tale mai, qori erau solia kina na kaukaua qai sega tale ga ni vakayagataki vakalevu kina na igu.

Na uro tale ga qori e vukea na nodra vude e dela ni wai, rawa tale ga ni vakatakatataka na yagodra. Ena gauna mada ga era sega ni kunea kina na kedra kakana, na uro qo e solia vei ira na igu mera veitosoyaki tiko ga kina. E macala ga o ira na kenadau era saga tiko me vakavinakataki na totolo ni waqa, era na via kila sara ga na sala era cakacaka vata kina na sela uro qori.

Na cava o nanuma? E vakasakiti dina na ka e rawa ni cakava na uro ni babale kei na so tale na kena mataqali. Vakacava, qori e bula vakaidewadewa se buli?

[Diagram ena tabana e 10]

(Raica tale na ivola)

Wa lalai (rung fiber)

Na irairai ni wa lalai wadrega kei na dua na mataqali protein era veicurumaki e vaka na lawalawa