Na pusi qo e bukete me rauta e rua na vula, qai vakasucuma e tolu na luvena ena dua na gauna
NA PUSI qo e vakatokai na sand cat, e bula ga ena vanualala. E dau vakasasa kena ena bogi. Ni sa karobo, ena basika mai na nona qara, veiraiyaki qai vakarorogo. Oti sa qai gole yani me vakasasa kena.
Na kena kakana na kalavo kei na so tale na kena mataqali, ena vakasasa tiko ena bogi taucoko. Ke levu na kalavo e toboka, ena buluta tu eso ena nuku. Oti ena gole tale ina nona qara ni kida na mataka, ia e tutu yadua me laurai ena siga. Dikeva mada eso na ka e vakasakiti kina na pusi ni vanualala.