Na Web Site e Baleti Keda Kece

VEIWATINI

“Au vinakata me vinaka na noqu vuvale. E yavavala vakalailai na neirau bula vakawati, vakabibi ena gauna keirau sa vakaluveni kina. Keirau kere veivuke”

KA E KAYA NA IVOLATABU:

“Na vuku ga sa tara rawa kina na vale, kei na yalomatua sa vakataudeitaki kina.”​—Vosa Vakaibalebale 24:3.

VANUA MO RAI KINA ENA WEB SITE

Ena vukei iko na ulutaga na “Veiwatini & iTubutubu” ena ka mo cakava ena ituvaki qo:

• Me vinaka na imatai ni yabaki ni vakawati

• Veimaliwai vinaka kei rau na vugomu

• Vakadodonutaka na gone

• Na iwali ni veiba

• Ka mo cakava ni tiko na nomu dinau

(Rai ena ulutaga IVAKAVUVULI VAKAIVOLATABU > VAKAWATI & VUVALE)

Na ivola Na Sala me Marau Kina na Vuvale e vakamacalataka e levu na ulutaga ena yaga ena vuvale, bau kina na ulutaga me baleti ira na vakarau vakawati kei na nodra qaravi na itubutubu.

Rai ena ulutaga KA E VAKARAUTAKI > IVOLA & BROCHURE)

ITUBUTUBU

“Eratou bibi vei au na luvequ. Au vinakata me ratou nuitaki ni ratou sa uabula”

KA E KAYA NA IVOLATABU:

“Vakatavulica na gone e na sala e dodonu me lako kina: Ia ni sa qase mai, ena sega ni lako tani maikina.”—Vosa Vakaibalebale 22:6.

VANUA MO RAI KINA ENA WEB SITE

Na ulutaga me baleti ira na “Gone” e tiko kina na italanoa vakaivolatabu droinitaki, vidio, nodra qito vakaivolatabu, kei na ulutaga vakaivolatabu ena vakavulici luvemu me . . .

• talairawarawa

• dauloloma

• veiyaloni

• dau “vakavinavinaka”

(Rai ena ulutaga IVAKAVUVULI VAKAIVOLATABU > GONE)

Na ivola iTalanoa Mai na iVolatabu kei na Vuli Vua na Qasenivuli Levu e tu kina e levu na ulutaga me baleti ira na gone kei na iyaloyalo mo raica vata kei ira na luvemu.

(Rai ena ulutaga KA E VAKARAUTAKI > IVOLA & BROCHURE)

ITABAGONE

“Au vinakata na ivakasala me baleta na veika e dau yaco mai koronivuli, noqu veimaliwai kei ira na yalewa keu tagane, o ira na tagane keu yalewa, noqu veimaliwai kei rau na noqu itubutubu kei ira noqu itokani. Au sa sega ni gonelailai, au sega ni vinakata me tukuni vei au na ka meu cakava”

KA E KAYA NA IVOLATABU:

“Mo . . . marau e lomamu e na veisiga ko sa cauravou kina.”—Dauvunau 11:9.

VANUA MO RAI KINA ENA WEB SITE

E tiko ena ulutaga na “iTabagone” na vidio kei na so na ivakasala me vukei iko . . .

• ni o galili

• ni o sotava na leqa e koronivuli

• ni o beca na lawa ni vuvale

• nira vakasagai iko na nomu icaba, se dua e vakayacora vei iko na ivakarau tawakilikili

(Rawa ni wiliki ena vosa vakavalagi, rai ena ulutaga IVAKAVUVULI VAKAIVOLATABU > ITABAGONE)

Na rua na itabataba ni ivola me baleti ira na itabagone na Questions Young People Ask—Answers That Work e saumi kina e 77 na taro bibi e tarogi wasoma.

(Rai ena ulutaga KA E VAKARAUTAKI > IVOLA & BROCHURE)

VEI IRA NA VIA VULICA NA IVOLATABU

“Au via kila na iVolatabu. Na cava meu cakava?”

KA E KAYA NA IVOLATABU:

“E vakavuna na Kalou na volai ni iVolatabu kece, e yaga me veivakavulici.”—2 Timoci 3:16.

VANUA MO RAI KINA ENA WEB SITE

Na iVolatabu na New World Translation of the Holy Scriptures e donu vinaka na kena ivakadewa qai rawarawa ni wiliki.

(Rai ena ulutaga KA E VAKARAUTAKI > IVOLATABU)

Na ulutaga “Saumi na Taro Vakaivolatabu” e saumi kina vakamatata eso na taro me vaka “Na Cava e Vakalaiva Kina na Kalou Meda Rarawa?” kei na “E Sucu ena Gauna Cava o Jisu?”

(Rai ena ulutaga BIBLE TEACHINGS > BIBLE QUESTIONS ANSWERED)

E rawa mo vulica wale na ivolatabu ni o rai ena ulutaga “Kerea mo Vulica na iVolatabu.”

(Rai ena ulutaga “Request a Bible Study” ena web site)

“Au sa sega ni wilika na iVolatabu ni sega ni matata na ka e tukuni kina. Ia niu vulica na ivola ‘Na Cava Sara Mada e Kaya na iVolatabu? au kurabui ena kena rawarawa qai matata na ka e tukuna na iVolatabu.”—Christina.