BULA VAKAIDEWADEWA SE BULI?
Na Kadi ni Vanua Dravuisiga
E VICA ga na manumanu era rawa ni bula ena vanua katakata. Dua vei ira qori na kadi e vakatokai na Saharan silver. Nira vakaruru ena sigalevu tutu na vo ni manumanu ena vanua dravuisiga na Sahara, e dau vaqara kena na kadi. E dau kania tale ga na manumanu lalai era mate ena kaukaua ni katakata ni siga.
[50] μm
Vakasamataka mada: Na kadi ni vanua dravuisiga e vakavutina na dakuna kei na tutuna ia na ketena e sega ni vakavutina. Qori e vukei koya me bula ena vanua katakata. E tatalivaliva na vuti ni kadi qai vaka na ibulibuli ni paipo yasaitolu e vakalomana. Na vutina e tadravisiga e varovaroa, ia na ketena e dravia. E rua na kena yaga qori. Kena imatai, e sega ni curu basika kina e dakuna kei na tutuna na katakata ni siga ni sa yaco koso ga e vutina. Kena ikarua, e kauta laivi mai yagona na katakata. Na ketena dravia e taqomaki koya mai na katakata ni vanua e butuka ni veilakoyaki voli ena vanua dravuisiga.a
[10] μm
E veivuke tale ga na vuti ni kadi me vakarauta ga kina na katakata ni yagona, me kua ni sivia na 53.6 na dikiri na celsius. Nodra qoroya na dauvakadidike na ka e cakava na kadi qo, e uqeti ira mera bulia eso na mataqali iyaya me isosomi ni iri ni cagi kei na so tale na ka e dau vakayagataki me vakabatabatataki kina na ka katakata.
Na cava o nanuma? E buli na vuti ni kadi ni vanua dravuisiga se vu mai na bula vakaidewadewa?
a Ena veivuke ni protein e tiko e yagona, e bula rawa kina na kadi se mani kaukaua vakacava na matanisiga. Na yavana babalavu e taqomaka na ketena dravia mai na katakata ni nuku qai totolo kina nona cici. Ni kila vinaka tale ga nona yasayasa, e kila kina na gaunisala lekaleka duadua ina nona qara.