O Rawa ni Kila na Vuku Dina
“E vakavuna na Kalou na iVolatabu kece.” (2 Timoci 3:16) Ni tukuni “vakavuna,” e kena ibalebale ni Kalou a biuta nona rai ena nodra vakasama na dauvola iVolatabu.
Sureti Iko na Kalou Mo Vakadinadinataka na Yaga ni Nona Vuku
“O yau o Jiova . . . O koya e vakavulici iko mo vinaka kina, o koya e tuberi iko ena sala mo lakova. Kevaka wale ga o rogoca na noqu ivakaro! Ena vaka na uciwai na nomu vakacegu, ena vaka na ua ni wasawasa na nomu cakadodonu.”—AISEA 48:17, 18.
O rawa ni raica qori me nona veisureti na Kalou vei iko. E vinakata mo vakila na vakacegu kei na marau dina. Ena vakavulici iko ena sala mo rawata kina qori.
Rawa ni o Vulica na Vuku ni Kalou
“Ena vunautaki tale ga e liu na itukutuku vinaka ina veimatanitu kece.”—MARIKA 13:10.
E okati ena “itukutuku vinaka” qori na yalayala i Jiova me vakaotia na rarawa, veisautaka na vuravura me parataisi, qai vakabulai ira tale na wekada lomani era sa mate. Era vunautaka tiko na iVakadinadina i Jiova na ivakavuvuli vakaivolatabu qori ena veiyasa i vuravura.