Cava sa Sega Kina na Veidokai ena Vuvale?

VUNA MO VEIDOKAI KINA ENA VUVALE

Nira vakaraitaka na lewenivuvale yadua na veidokai ena vakilai na veiyaloni, era na taqomaki tale ga.

E kaya na ivola The Seven Principles for Making Marriage Work, ni rau veidokai na veiwatini e vakaraitaka na nodrau veilomani “sega wale ga e matanalevu, ia ena ka lalai mada ga rau cakava e veisiga.”
E laurai ena dua na vakadidike ni o ira na gone era vakavulici mera veidokai, era dau nuidei, marautaka nodra veimaliwai kei na nodra itubutubu, era na sega tale ga ni nuiqawaqawa vakalevu.

KA O RAWA NI CAKAVA

Dou cakava vata vakavuvale e dua na ituvatuva. Kena imatai, mo dou kila kece tiko vakavuvale na ibalebale ni “veidokai.” Kena ikarua, dou vola na itovo e namaki mo dou cakava, kei na itovo mo dou kua ni cakava. Kena ikatolu, dou veivosakitaka vakavuvale na ituvatuva qori, me rawa ni matata vei iko kei ratou na gone na sala mo dou veidokai tiko ga kina.

“Na lalawa ni tamata gumatua ena tini vinaka ga.”—Vosa Vakaibalebale 21:5.

Mo ivakaraitaki. Vakacava o dau vakalewai ratou nomu vuvale ena cala ratou cakava, vakalialia nodratou rai, sega ni kauaitaka se takosova ni ratou vosa vei iko?

Vakatutu: Vakaraitaka tiko ga na veidokai vei watimu kei ratou na gone ke mani veiganiti se sega.

“Ni dau liu ena nomuni veirokorokovi.”—Roma 12:10.

Veidokai tiko ga ke dou sega ni duavata ena so na ka. Ni o vosa kua ni cavuta na vosa me vaka, “veigauna o dau” se “o sega ni dau.” Na vosa ni veivakalewai va qori, e rawa ni vakamosia na lomadratou na lewenivuvale qai rawa ni tini ena veiba katakata.

“Na vosa vakayalovinaka e vakaseavutaka na cudru, ia na vosa kaukaua e vakatubura na cudru.”—Vosa Vakaibalebale 15:1.

Sarava tiko e dua na goneyalewa na vidio ena jw.org.

SALA ERA VAKARAITAKA KINA NA VEIDOKAI NA IVAKADINADINA I JIOVA

Era dau uqeti ira na lewenivuvale yadua mera veidokai. Qori e usutu sara ga ni ka e dau tabaki ena nodra ivola, brochure, kei na vidio. E sega tale ga ni saumi.

IRA NA VEIWATINI: Na veiulutaga ena iVakasala ina Vuvale e rawa ni vukei ira mera . . .

dau vakarorogo vinaka
kua ni veigaluvi
kua ni veiba

(Raica ena jw.org, “iVakasala ina Vuvale”)

IRA NA ITUBUTUBU: Na veiulutaga ena iVakasala ina Vuvale e rawa ni vukei ira mera vakavulici luvedra mera . . .

talairawarawa
veivuke ena itavi e vale
tukuna “kerekere” kei na “vinaka”

(Raica ena jw.org, “Susu Gone” kei na “Nodra Susugi na iTabagone”)

Raica tale ga na appendix, “Questions Parents Ask,” ena ivola Questions Young People Ask—Answers That Work, Volume 1. (Raica ena jw.org, “Questions Parents Ask”)

IRA NA ITABAGONE: Na iwasewase iTabagone ena jw.org e tiko kina na ulutaga, vidio kei na ka mera vakalewena ena rawa ni vukei ira mera . . .

veimaliwai vinaka kei nodra itubutubu kei na tacidra
vosa ena veidokai vei na nodra itubutubu me baleta na lawa
nuitaki vei ira nodra itubutubu

(Raica ena jw.org, “iTabagone”)

E sega ni saumi na vakayagataki ni website na jw.org. E sega ni lavaki kina na soli, vakaikere (subscribe), se mo lewena. E sega ni vinakati tale ga na kemu itukutuku.